25 qazanda QR premer-ministri Asqar Mamin Máskeý qalasyndat ótetin eki birdei halyqaralyq is-sharaǵa qatysady, – dep málimdeji Syrtqy ister ministrliginiń resmi ókili Aibek Smadiiarov.
«25 qazanda Máskeý qalasynda QR premer-ministri Asqar Mamin TMD Úkimet basshylary Keńesiniń kezekti otyrysyna qatysady. Otyrys barysynda Úkimet basshylary dostastyq aiasyndaǵy saýda-ekonomikalyq yntymaqtastyqtyń aǵymdaǵy jaǵdaiy men perspektivalaryn talqylaidy. Atap aitqanda 2011 jyly TMD-ǵa qatysýshy memleketter qol qoiǵan erkin saýda aimaǵy týraly shartty iske asyrý, sondai-aq TMD memleketteri arasynda qyzmetterdiń erkin saýda týraly kelisim jobasyn kelisý barysy týraly pikir almasý ótedi» dedi Smadiiarov.
Onyń aitýynsha, otyrys aiasynda zattar men materialdardyń quramy men qasietteriniń standartty úlgilerin jasaý jáne qoldaný boiynsha yntymaqtastyqty, sondai-aq quqyq qorǵaý salasyndaǵy ózara is-qimyldy tereńdetýdi kózdeitin birqatar halyqaralyq sharttarǵa qol qoiý josparlanǵan. Is-sharaǵa qatysýshylar TMD-ǵa qatysýshy memleketterdiń qoǵamdy tsifrly damytý salasyndaǵy yntymaqtastyq tujyrymdamasyn jáne ony iske asyrý jónindegi birinshi kezektegi is-sharalar josparyn bekitedi. Aqparattyq qaýipsizdikti qamtamasyz etý strategiiasy men 2025 jylǵa deiingi kezeńde «qus tumaýy», «Niýkasl» aýrýymen kúresý jáne aldyn alý boiynsha TMD-da qatysýshy memleketterdiń birlesken is-qimyl keshenine qol qoiý josparlanyp otyr.
Sondai-aq, dál osy kúni 25 qazanda Máskeý qalasynda QR premer-ministri Asqar Mamin Eýraziialyq Úkimetaralyq keńes otyrysynyń jumysyna qatysady.
«Osy jylǵy bul Eýraziialyq ekonomikalyq odaqqa múshe memleketterdiń Úkimet basshylarynyń tórtinshi kezdesýi bolady. Otyrys barysynda Eýraziialyq ekonomikalyq odaq aiasyndaǵy integratsiialyq ózara is-qimyldyń birqatar ózekti máseleleri qaralady. Úkimet basshylary qol jetkizlgen ýaǵdalastyqtardy júzege asyrýdyń aralyq qorytyndylaryn jasap, Eýraziialyq ekonomikalyq odaqtaǵy aldaǵy jumystardyń baǵyttaryn anyqtaidy. Saýda ekonomikalyq yntymaqtastyqtyń jáne múshe memleketter arasyndaǵy ózara saýdany keńeitý, Eýraziialyq ekonomikalyq odaqtaǵy ishki naryq aiasyndaǵy kedergilerdi joiý, ekonomikanyń jekelegen salalaryndaǵy integratsiialyq áleýetti damytý máselelerine erekshe nazar aýdaratyn bolady. Is-shara barysynda birqatar kelisimderge qol qoiý josparlanǵan» dedi SIM ókili.
