Mańǵystaý oblysynyń áleýmettik-ekonomikalyq damýynyń 2021-2025 jyldarǵa arnalǵan keshendi josparyn maquldaǵan QR Premer-Ministri Asqar Mamin Eńbek jáne halyqty áleýmettik qorǵaý ministrligine óńirde eńbek teńsizdigine jol bermeýdi tapsyrdy, dep habarlaidy QazAqparat.
«20215-2025 jyldarǵan arnalǵan keshendi jospar boiynsha atalǵan kezeńde óńir ekonomikasy 32 paiyz ósedi. Jalpy taiaýdaǵy jyldary munai-gaz sektoryn, óńdeý ónerkásibin, týrimzdi, kólik pen logistikany jáne basqa salalardy damytý negizgi mindetke ainalmaq. Áleýmettik, injenerlik jáne kommýnaldyq infraqurylymdy damytý jobalary iske asyrylady. Qabyldanǵa sharalar esebinen óńir turǵyndary 100 paiyz sapaly aýyzsýmen qamtamasyz etiledi», - dedi Úkimet basshysy búgingi otyrysta.
Onyń aitýynsha, keshendi jospardy iske asyrý 2025 jylǵa qarai 60 myńǵa jýyq jańa jumys ornyn qurýǵa, ónerkásip kólemin 27% ósirýge, halyqtyń naqty tabysyn 40% ulǵaitýǵa, iaǵni halyqtyń turmys sapasy men ál-aýqatyn shyn máninde jaqsartýǵa múmkindik beredi.
«Eńbek ministrligi ákimdiktermen birge jańa jumys oryndaryn qóurý máselelerin, eńbek qatynastary máselelerin sheshýdi erekshe baqylaýǵa alsyn. Kásiporyndarda eńbekaqy tóleý men eńbek jaǵdailarynda teńsizdikke jol bermesin. Osyǵan bailanysty keshendi jospardy sapaly iske asyrý úshin barlyq kúsh-jigerimizdi jumsaýymyz qajet. Osy keshendi jospardyń jobasyn maquldaimyz. Ulttyq ekonomika ministrligi men Mańǵystaý oblysynyń ákimdigi múddeli memlekettik organdarmen birge jospardyń is-sharalarynyń ýaqtyly oryndalýyn qamtamasyz etsin», - dedi Asqar Mamin.
