Úkimet otyrysynda Premer-Ministri Asqar Mamin ákimderge vaktsinalaý qarqynyn arttyrýdy tapsyrdy, dep habarlaidy "Ult aqparat".
«Sanitarlyq-epidemiologialyq ahýal ózgerip barady. Óńirlerde virýsty juqtyrǵan adamdardyń sany ósýde. Aýrýhanalardaǵy oryndardyń júktemeligi 27 paiyz, al jansaqtaý bóliminde 24 paiyzdy qurap otyr. Elordadan basqa «qyzyl» aimaqqa taǵy tórt óńir kirdi. «Sary» men «jasyl» aimaqta alty óńirden bar. «Qyzyl» aimaqtardaǵy barlyq óńirde shekteý sharalary qoldanylyp, monitoring toptarynyń jumysy kúsheitilýi tiis», - dedi Úkimet basshysy.
Asqar Mamin osy jaittyń bárin eskerip, rezervtegi infektsiialyq oryndardyń daiyndyǵyn pysyqtap, dári-dármek pen meditsinalyq buiymdardyń jetkilikti bolýyn qamtamasyz etýdi tapsyrdy
«Búgingi kúni vaktsinanyń I komponentin 3,3 millionǵa jýyq adam saldyrdy. Shamamen 2 million adam II komponentti ektirdi. Biraq bul jetkiliksiz. Ákimder vaktsiana salý qarqynyn kúsheitý kerek. Bul ásirese Mańǵystaý, Atyraý jáne Batys Qazaqstan oblystaryna qatysty. Qyzmet kórsetý, bilim berý salasynda mindetti vaktsinalaý qajettigi aiqyn baiqalyp otyr», - dedi Premer-Ministr.
