QR Premer-Ministri Asqar Mamin Qostanai oblysyna jumys sapary aiasynda avtomobil jasaý jáne aýyl sharýashylyǵy tehnikasyn óndirý salasyndaǵy investitsiialyq jobalardyń iske asyrylý barysyn tekserdi, dep habarlaidy primeminister.kz.
Úkimet basshysy «KIA Motors Rossiia i SNG» JShQ prezidenti Kim Djinmen birlesip «SaryarqaAvtoProm» JShS zaýytynda KIA óndiristik jelisiniń ashylý rásimine qatysty. Joba sheńberinde jylyna 20 myń KIA avtomobilderin shyǵarý josparlanǵan. Ónimdi oqshaýlaý deńgeii shanaqtardy dánekerleý jáne boiaý operatsiialaryn qosa alǵanda, usaq torapty óndiris tehnologiialaryn qoldaný arqyly 50%-ǵa deiin arttyrylatyn bolady.
«Avtomobil jasaý Qazaqstannyń indýstriialyq damýynyń strategiialyq mańyzdy baǵyttarynyń biri jáne ol jyl saiyn oń dinamikany kórsetip kele jatyr» , — dedi A. Mamin.
Premer-Ministr «KamLitKZ» shoiyn quimasyn óndirý zaýytynyń qurylys barysymen tanysty. Qurylystyń birinshi kezeńin 2021 jyldyń qazan aiynda, ekinshi jáne úshinshi kezeńderin 2023 jyly aiaqtaý josparlanǵan. Jobanyń quny 80 mlrd teńgeni quraidy. 300 jańa jumys orny qurylady. Jobalyq qýatyna qol jetkizgen soń óndiriste K5 jańa býynnyń júk kólikterine arnalǵan jetek karterleri, tsilindr bloktary men qozǵaltqysh tsilindri bloktarynyń bastiekteri shyǵarylyp, jalpy kólemi jylyna 40 myń tonnadan astam shoiyn quimasyn quraityn bolady. Jobany iske asyrý Qazaqstandy «KAMAZ» JAQ jetkizýshileriniń jahandyq tehnologiialyq tizbegine engizedi - ónimniń 95%-y eksporttalatyn bolady.
Úkimet basshysy QR aýmaǵynda shyǵarylatyn aýyl sharýashylyǵy tehnikasyndaǵy qazaqstandyq qamtý deńgeiin edáýir arttyrýǵa baǵyttalǵan «AgromashHolding» AQ oqshaýlaý ortalyǵynda boldy.
36 myń sharshy metr aýmaqta metaldy lazermen kesýge, maiystyrýǵa, syrlaýǵa jáne dánekerleýge, plastik buiymdaryn, interer bólshekterin, termoshýoqshaýlaǵyshty óndirýge, konveierlik qurastyrýǵa jáne t.b. arnalǵan avtomattandyrylǵan jeliler ornatylǵan. Bul jabdyqtar «Ónerkásipti damytý qory» AQ qarjy quraldary arqyly satyp alyndy. Jaqynda oqshaýlaý ortalyǵynda aýyl sharýashylyǵy tehnikasyna arnalǵan komponentterdiń 1200-den astam ataýy, sondai-aq «Kirovets», «Essil», «Lovol», «Pottinger», «Deutz-Fahr», JAC, Chevrolet jáne t. b. avtomobil ónerkásibi brendteri shyǵarylatyn bolady.
Premer-Ministr «KAMAZ», «Tatneft», «AvtoVAZ» jáne «KIA Motors» kompaniialarynyń basshylyǵymen avtomobil jasaý salasyndaǵy yntymaqtastyqty odan ári damytý perspektivalaryn talqylady.
Qazaqstanda aýyl sharýashylyǵy tehnikasy óndirisin jergiliktendirýdi arttyrý máseleleri «Peterbýrg traktor zaýyty» AQ, belarýstik «Gomselmash» AAQ jáne italiialyq «SDF Group» basshylyǵymen kezdesýlerde qaraldy.
Kelissózder qorytyndysy boiynsha A. Maminniń qatysýymen avtomobil jasaýda birlesken jobalardy iske asyrý boiynsha 9 qujatqa, onyń ishinde ónerkásiptik qurastyrý týraly kelisimderge, investitsiialyq kelisimderge jáne arnaiy investitsiialyq kelisimsharttarǵa qol qoiyldy.
Jumys sapary aiasynda Premer-Ministr óńirdegi AÓK, aýyl sharýashylyǵy mashinalaryn jasaý salasynda iske asyrylyp jatqan jobalarmen, sondai-aq «Nurly jer» memlekettik baǵdarlamasy boiynsha turǵyn úi infraqurylymyn damytýmen tanysty.
