Qazaqstan ekonomikany qalpyna keltirýde eleýli órleýdi baiqatyp otyr. Bul týraly Bishkekte «Eýropalyq Odaq – Ortalyq Aziia» ekonomikalyq forýmynda QR Úkimet basshysy Asqar Mamin málim etti, dep habarlaidy QazAqparat tilshisi.
«Halyqaralyq ekonomikadaǵy táýekelderge qaramastan, 2021 jylǵy 9 aida eldiń Jalpy ishki ónimi 3,4 paiyzǵa artty. Osy qarqynnyń arqasynda ekonomika óndiristiń pandemiianyń aldyndaǵy kórsetkishine jetti», - dedi Asqar Mamin.
Onyń aitýynsha, investorlarǵa qatysty qadamdar túzelgen, buǵan kapital naryǵynyń qarqyny dálál bolyp tur.
«Tikelei shetel investitsiiasy Qazaqstanda birinshi jartyjyldyqta 30 paiyzdan astam ósti. Al EO-dan tikelei shetel investitsiiasy 15 paiyzǵa artty», - dedi Úkimet basshysy.
Budan buryn habarlanǵandai, búgin Bishkekte Premer-Ministrler deńgeiinde «Eýropalyq Odaq – Ortalyq Aziia» ekonomikalyq forýmy bastaldy.
