QR Premer-Ministri Asqar Mamin elimizdiń Densaýlyq saqtaý ministrligine karantin sharalaryn kezeń-kezeńimen alyp tastaý josparyn memlekettik komissiia qaraýyna beisenbi kúni engizýdi tapyrdy, dep habarlaidy "Ult aqparat".
«Jalpy qabyldanǵan keshendi sharalardyń nátijesinde elimizdegi koronavirýstyń taralýy deńgeii jáne osyǵan bailanysty barlyq kórsetkishter qarqyndy tómendeýi tirkelip otyr. Sonyń ishinde virýstyq reprodýktivtilik deńgeiiniń ortasha kórsetkishi 0,82 paiyzǵa deiin tómendedi. Emdelip shyqqandardyń úlesi 73,6 paiyzdy qurap otyr. Qalǵandary qajetti em alyp jatyr», - dedi Asqar Mamin Úkimet otyrysynda.
Premer-Ministrdiń atap ótýinshe, aýrýhanalardyń júktemesi 61 jáne jedel járdem shaqyrý 62 paiyzǵa tómendegen.
«Osy nátijeler qabyldanyp jatqan sharalardyń tiimdiligin kórsetedi. Qalyptastyp otyrǵan epidemiologiialyq jaǵdaidy eskere otyryp Densaýlyq saqtaý ministrligine karantin sharalaryn kezeń-kezeńimen alyp tastaý josparyn memlekettik komissiia qaraýyna beisenbi kúni engizýdi tapsyramyn», - dedi Úkimet basshysy.
