QR Premer-Ministri Asqar Maminniń tóraǵalyǵymen Investitsiialar tartý máseleleri jónindegi úilestirý keńesiniń kezekti otyrysy ótti, dep habarlaidy QR Úkimetiniń resmi saity.
Negizgi kapitalǵa salynǵan investitsiialar boiynsha nysanaly kórsetkishterdiń oryndalýy týraly Ulttyq ekonomika ministri Rýslan Dálenov, investitsiialar tartý boiynsha atqarylyp jatqan jumystar týraly syrtqy ister ministri Muhtar Tileýberdi, indýstriia jáne infraqurylymdyq damý ministri Beibit Atamqulov, energetika ministri Nurlan Noǵaev, aýyl sharýashylyǵy ministri Saparhan Omarov, Qyzylorda oblysynyń ákimi Gúlshara Ábdiqalyqova, Qaraǵandy oblysynyń ákimi Jeńis Qasymbek, Mańǵystaý oblysynyń ákimi Serikbai Trumov, Shymkent qalasynyń ákimi Murat Áitenov baiandady.
Otyrysta koronavirýs indetiniń taralý saldary aǵymdaǵy ekonomikalyq ahýalǵa túzetý engizip, investitsiia tartý boiynsha jumystarǵa teris yqpalyn tigizgeni atap ótildi. Biyl qańtar-sáýir ailarynda QR negizgi kapitalyna salynǵan investitsiialar 3 trln teńgeni – josparlanǵan nysanaly kórsetkishten 84% qurady. Óńirler bólinisinde eń kóp — 30% astam oryndamaý jaǵdailary Mańǵystaý jáne Qyzylorda oblystarynda, sondai-aq Almaty jáne Shymkent qalalarynda baiqalǵan.
Premer-Ministr buǵan deiin qoiylǵan mindetti — 2025 jylǵa qarai negizgi kapitalǵa salynatyn investitsiialar kólemin JIÓ-niń 30%-na deiin jetkizý mindetin iske asyrýdyń mańyzdylyǵyn atap ótti. Budan ári álemde investitsiialar úshin básekelestik artady degen boljam bar. Bul ekonomikanyń barlyq salalarynda jańa investitsiialyq jobalardy iske asyrý, sondai-aq investitsiialyq ahýaldy odan ári jaqsartý boiynsha belsendi sharalardy qabyldaýdy talap etedi.
«Úkimet ekonomikany jandandyrý jumystaryn bastady. 2020 jyldyń sońyna deiin Ekonomikalyq ósimdi qalpyna keltirý boiynsha keshendi jospar qabyldandy. Oǵan sáikes investitsiialar negizgi draiverlerdiń biri retinde qarastyrylady», — dedi A. Mamin.
Premer-Ministr investitsiialyq usynystardy ázirleý sapasyn, memlekettik organdar men barlyq múddeli taraptardyń jumysyn úilestirý deńgeiin arttyrý, shetel kapitalyn jáne tehnologiiasyn tartýdyń jańa quraldaryn engizý, ekonomikanyń basymdyqty salalaryn targetteý qajettigin atap kórsetti.
Úkimet basshysy ortalyq memlekettik jáne jergilikti atqarýshy organdarǵa qysqa merzim ishinde elimizde jáne álemde ekonomikalyq ahýaldyń ózgerýin eskerýmen investitsiialyq jobalar pýlyn jáne negizgi kapitalǵa investitsiialar tartý boiynsha nysanaly indikatorlardy ózektendirýdi tapsyrdy.
