QR Premer-Ministri Asqar Mamin Qazaqstannyń Eýropalyq Odaqpen investitsiialyq yntymaqtastyǵy boiynsha dialogtyń 8-shi otyrysyn ótkizdi. Ekonomikanyń ekologiialyq turaqty damýy jáne klimattyń ózgerýine qarsy kúres máseleleri qaraldy, dep habarlaidy primeminister.kz.
QR-da akkredittelgen EO elshisi Kestýtis Iankaýskas, Finliandiia elshisi Soili Miakelainen Býhanist, Germaniia elshisi Monika Iversen, Niderlandy elshisi Andre Karstens, «Qazaqstan-Germaniia agrarlyq-saiasi dialog» jobasynyń jetekshisi Aleksandr Barnevits, «Qazaq-Finish Technology» Qazaqstan-fin tehnologiialar transferi ortalyǵynyń direktory Dmitrii Jýkov jáne t. b. baiandama jasady.
Ekologiia, geologiia jáne tabiǵi resýrstar ministri Serikqali Brekeshev, aýyl sharýashylyǵy ministri Erbol Qarashókeev, saýda jáne integratsiia ministri Baqyt Sultanov, indýstriia jáne infraqurylymdyq damý vitse-ministri Marat Qarabaev qabyldanyp jatqan sharalar týraly aqparat berdi.
«Jasyl ekonomikany» damytý, jańartylatyn energiia kózderi, Aral teńizi óńirindegi shóleittenýge qarsy kúres, orman qoryn keńeitý, aǵash óńdeý ónerkásibin damytý, organikalyq ónim óndirisi men eksporty, aýyl sharýashylyǵynda ekologiialyq tyńaitqyshtardy, EO-nyń «Fermadan ústelge» strategiiasynyń ornyqty agrobiznes standarttaryn qoldaný jáne t. b. máseleler talqylandy.
QR Premer-Ministri A. Mamin Qazaqstan klimattyń ózgerýine qarsy jahandyq kúres aiasynda óz mindettemelerin iske asyrý boiynsha sharalardy ulǵaityp jatqanyn atap ótti. Bul rette kúsh-jiger ekonomikanyń turaqtylyǵy men dekarbonizatsiiasyn arttyrýǵa baǵyttalǵan. Úkimet 2020 jylǵy jeltoqsanda QR Prezidenti Qasym-Jomart Toqaev jariialaǵan BUU-nyń klimattyq ambitsiialar jónindegi Sammiti sheńberinde Qazaqstannyń 2060 jylǵa qarai kómirtekti beitaraptyqqa qol jetkizýi jónindegi maqsatty iske asyrý úshin praktikalyq sharalar qabyldap jatyr.
Qazir QR-nyń 2060 jylǵa deiin kómirtekti beitaraptylyqqa qol jetkizý doktrinasy ázirlenip jatyr. Qujat qaita jańartylatyn jáne dástúrli energetika, ónerkásip, aýyl jáne orman sharýashylyǵy, kólik, TKSh jáne qaldyqtardy kádege jaratýǵa basa nazar aýdara otyryp, ulttyq ekonomikanyń barlyq sektorlarynda reformalardy kózdeidi. Qorshaǵan ortaǵa shyǵaryndylardy azaitýǵa QR ekonomikasynyń energetikalyq tiimdiligin arttyrý, elektrlendirý, jerdi turaqty paidalaný jáne jańartylatyn energiia kózderin keń aýqymda paidalaný arqyly qol jetkiziletin bolady. Kómirtekti beitaraptylyqqa qol jetkizý doktrinasyn iske asyrý kezinde naryq tetikteri men jeke investitsiialardyń áleýeti barynsha paidalanylatyn bolady.
Úkimet basshysy QR Prezidenti Qasym-Jomart Toqaevtyń memlekettik orman qory jerlerinde 2 mlrd aǵash jáne eldi mekender aýmaǵynda 15 mln aǵash otyrǵyzý men orman ósirýdiń keshendi josparlary, sondai-aq 2021-2025 jyldarǵa arnalǵan eldi mekenderdi kógaldandyrýdyń óńirlik josparlary ázirlengenin atap ótti.
QR ekonomikasynyń orman sektoryn damytýdyń 2025 jylǵa deiingi bas jospary iske asyrylýda, onda ormandardaǵy kúzet-qorǵaý sharalaryn kúsheitý, jeke orman ósirýdi memlekettik qoldaý jáne basqa da sharalar kózdelgen. Aǵash otyrǵyzýǵa jáne ósirýge jumsalatyn shyǵystardyń 50%-yn óteý arqyly eldiń aǵash daiyndaý-aǵash óńdeý kesheni sýbektileriniń básekege qabilettiligin arttyrý úshin jaǵdailar jasaldy.
Premer-Ministr Eýropalyq Odaq elshilerin Qazaqstannyń EO-men saýda-ekonomikalyq jáne investitsiialyq yntymaqtastyǵyn damytýǵa járdemdesý boiynsha odan ári ashyq jáne belsendi dialogqa shaqyrdy.
