Premer-Ministr Asqar Mamin Úkimet otyrysynda jaýapty ministrlikter men ákimdikterge jol-kólik infraqurylymyn damytý baǵytynda birqatar tapsyrmalar berdi, dep habarlaidy "Ult aqparat".
Áýeli Úkimet basshysy Indýstriia jáne infraqurylymdyq damý ministrligine ákimdiktermen jáne «QazAvtoJol» ulttyq kompniiasymen birlesip, josparlanǵan jobalardyń ýaqtyly iske qosylýyn jáne biyl jyl sońyna deiin bólingen qarajattyń tolyq igerilýin qamtamasyz etýdi tapsyrdy. Al Energetika ministrligine qurylys maýsymynyń qyzǵan shaǵynda baǵalardyń ósýine jol bermei, barlyq jobalarǵa bitýmnyń málimdelgen qajettiligin qamtamasyz etýdi júktedi.
Sondai-aq, Úkimet basshysy jyl sońyna deiin rekonstrýktsiialanǵan ýchaskelerde «aqy tóleýdi» ónerkásiptik paidalanýǵa engize otyryp, avtomobil joldaryn ózin-ózi qamtamasyz etýge kóshirý boiynsha jumysty aiaqtaý qajettigin atap ótti. Oblys ákimdikterine «Atameken» UKP-men birlesip jol boiyndaǵy servis obektilerin jańǵyrtý jáne olardy Ulttyq standartqa sáikes keltirý jónindegi jumysty jandandyrý tapsyryldy.
«Qoiylǵan mindetterdi iske asyrýdyń tiimdiligi asa mańyzdy. Barlyq is-sharalar belgilengen merzimderde aiaqtalýy tiis», - dedi Mamin.
