QR Energetika ministrligi jáne Atyraý, Mańǵystaý, Batys Qazaqstan oblystarynyń ákimdikteri investitsiia tartý jónindegi jumystar týraly baiandady, dep habarlaidy primeminister.kz.
QR Premer-Ministri Asqar Mamin otyn-energetikalyq keshende, sondai-aq elimizdiń batys óńirine investitsiia tartý jáne investitsiialyq jobalardy iske asyrýda kedergilerdi joiý jóninde selektorlyq keńes ótkizdi.
Bul baǵytta júrgizilip jatqan jumystar týraly energetika ministri Q. Bozymbaev, Atyraý oblysynyń ákimi N. Noǵaev, Mańǵystaý oblysynyń ákimi S. Turymov jáne Batys Qazaqstan oblysynyń ákimi G. Isqaliev baiandady.
2019 jyldyń birinshi jartyjyldyǵynda otyn-energetika keshenine investitsiialar kólemi 2561 mlrd teńgeni qurap, ótken jyldyń osyndai kezeńine shaqqanda 18,6%-ǵa ulǵaidy. 2019 jyly kútilip otyrǵan investitsiialar kólemi 5357 mlrd teńgeni quraidy. 75 joba iske asyrylý satysynda, al 68 joba pysyqtalý ústinde. Otyn-energetika keshenine investitsiialar aǵymyn arttyrý úshin salyq jáne kedendik rejimderdi jetildirýge, sondai-aq munaigazhimiiany, elektr energetikasy men jańartylatyn energiia kózderin yntalandyrýǵa baǵyttalǵan zańnamalyq sipattaǵy sharalar qabyldanýda.
2019 jylǵy qańtar-shilde ailarynda Atyraý oblysynyń negizgi kapitalyna investitsiialar kólemi 2513,9 mlrd teńgeni (2018 jyldyń osyndai kezeńimen salystyrǵanda 118,3%), Mańǵystaý oblysyna – 291,6 mlrd teńgeni (2018 jyldyń osyndai kezeńimen salystyrǵanda 83,2%), Batys Qazaqstan oblysyna – 278,6 mlrd teńgeni qurady, bul ótken jyldyń jeti aiynyń kórsetkishinen 38,3%-ǵa artyq.
QR Premer-Ministri A.Mamin QR Tuńǵysh Prezidenti - Elbasy N. Nazarbaev «Nur Otan» partiiasynyń Saiasi keńesiniń keńeitilgen otyrysynda qoiǵan mindetterdi jáne Memleket basshysy Q. Toqaevtyń Qazaqstan halqyna arnaǵan «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýynda berilgen tapsyrmalardy eskerýmen investitsiialardy tartýdyń nysanaly indikatorlaryna qol jetkizýdi qamtamasyz etýdi tapsyrdy.
Úkimet basshysy investitsiia tartý boiynsha júieli jumystardy kúsheitý qajettigin atap ótti, bul jumystar óńirlik jáne respýblikalyq deńgeilerde kúndelikti júrgizilýi tiis.
«Investitsiia tartý - ekonomikanyń damýy úshin basty másele. «Astana» Halyqaralyq qarjy ortalyǵyn damytý, memlekettik-jekeshelik áriptestik jobalaryn iske asyrý, strategiialyq investorlardy tartý máselelerine erekshe kóńil bólý qajet», – dedi A.Mamin.
Premer-Ministr Saýda jáne integratsiia ministrligine Qazaqstan kásipkerleriniń EAEO elderimen saýdada naqty jáne naqty emes kedergilerdi joiý boiynsha jumystardy jandandyrýdy tapsyrdy.
