QR Premer-Ministri Asqar Mamin tótenshe jaǵdaidan keiingi ekonomikany qalpyna keltirý boiynsha tapsyrmalar berdi, dep habarlaidy "Ult aqparat".
«Keshe Memleket basshysy Qasym-Jomart Toqaev elimizde tótenshe jaǵdai rejiminiń aiaqtalǵanyn málimdedi. Aǵymdaǵy jyldyń 4 aiynyń qorytyndysy boiynsha ekonomika 0,2% tómendedi. Bul búkil álemdegidei karantindik shekýteýler men tótenshe jaǵdai saldarynan boldy. Ásirese, qyzmet kórsetý sektorynyń jumys belsendiligi karantin kezeńindegi eki aida tómendedi. Saýda men kólik salalary boiynsha sáýir aiynyń kórsetkishteri naýryz aiymen salystyrǵanda 30 paiyzǵa tómendedi», - dedi Premer-Ministr qańtar-sáýirdegi áleýmettik-ekonomikalyq damý qorytyndylary týraly Úkimet otyrysynda.
Sonymen birge ótken tórt aida ekonomikanyń bazalyq salalarynda oń dinamika saqtaldy. Óńdeý ónerkásibindegi ósý - 7%, taý-ken ónerkásibinde - 6%, qurylysta - 5,5% qurady. Sondai-aq, mashina jasaýda - 25,4%, farmatsevtikada - 24,2%, qurylys materialy óndirisinde - 15,6%, jeńil ónerkásibinde - 13,9% ósim bar.
«Qazirgi ýaqytta Qazaqstanda karantin rejimi birtindep jeńildetilýde. Jalpy ekonomikany qalpyna keltirý bastalýy tiis. Epidemiialyq jaǵdai, qyzmet kórsetý sektorlarynyń belsendiligi qalpyna kelýi qajet. Buǵan memlekettik qoldaý sharalary yqpal etedi. Onyń ishinde salyqtyq yntalandyrý, jeńildikpen nesieleý, otandyq taýarlardy ótkizýge kepildik berý, mehanzimi arqyly ishki óndiristi qoldaý qarastyrylǵan», - dedi Premer-Ministr.
Sonymen qatar, «Atameken» kásipkerler palatasymen jáne biznes qaýymdastyqpen birlesip, iskerlik belsendilikti yntalandyrý, jumyspen qamtý jáne halyqtyń tabysyn qoldaý boiynsha sharalar talqylandy.
«Memleket basshysynyń tapsyrmasymen ázirlengen sharalar negizinde jyl sońyna deiin ekonomikalyq ósýdi qalpyna keltirý jóninde keshendi jospar ázirlendi. Ulttyq ekonomika ministrligine Premer-Ministr keńsesimen birlesip, osy keshendi jospardy kelesi otyrysqa shyǵarýdy tapsyramyn. Ákimdikter qyzmet kórsetý sektoryn qalpyna keltirý boiynsha naqty sharalar qabyldaýy qajet. Jalpy aldaǵy kezeńdegi basym mindet - ekonomikanyń ózin-ózi qamtamasyz etýin arttyrýǵa, básekege qabiletti shikizattyq emes sektorǵa negizdelgen ekonomikanyń jańa qurylymyn qalyptastyrý bolady», - dedi Asqar Mamin.
