Qyrǵyzstannyń Sholpan-Ata qalasynda shaǵyn quramdaǵy Eýraziialyq úkimetaralyq keńestiń otyrysy ádemi bezendirilgen kiiz úide ótti. Jiynǵa EAEO elderiniń úkimet basshylary men Eýraziialyq ekonomikalyq komissiia alqasynyń tóraǵasy Tigran Sarkisian qatysty, dep habarlaidy Sputnik agenttigi.
Kóshpeli halyqtardyń baspanasyn "Rýh Ordo" mádeni ortalyǵynyń "Kiiz úi" qonaq úii usynǵan.
Arnaiy tigilgen kiiz úige Qazaqstannyń premer-ministri Asqar Mamin, Qyrǵyzstannyń úkimet basshysy Muhammedqali Ábilǵaziev, Resei premeri Dmitrii Medvedev, Belarýs úkimetiniń basshysy Sergei Rýmas, Armeniia premer-ministri Nikol Pashinian jáne Eýraziialyq ekonomikalyq komissiia alqasynyń tóraǵasy Tigran Sarkisian jinaldy.
EAEO-ǵa múshe elderdiń premerleri birqatar qujatqa qol qoidy. Olardyń arasynda EAEO-nyń keden aýmaǵynda qaýipti qaldyqtardy transshekaralyq tasymaldaý týraly kelisimge daiyndyq paketi, EAEO joǵarǵy organdarynyń qarjylyq-sharýashylyq qyzmetine reviziia qorytyndysy, sondai-aq, EAEO memleketteriniń aýyl sharýashylyǵy ónimderine qatysty usynystary men suranys balansy, agroónerkásiptik keshendi damytýdyń birlesken boljamdary jáne taǵy basqalary bar.
