.JPG)
QR Premer-Ministri Asqar Mamin Ekologiia, geologiia jáne tabiǵi resýrstar ministrliginiń ujymyna jańa basshy Serikqali Brekeshevti tanystyrdy, dep habarlaidy "Ult aqparat" primeminister.kz caityna silteme jasap.
Úkimet basshysy Ekologiia, geologiia jáne tabiǵi resýrstar ministrliginiń aldyna jańa Ekologiialyq kodeksti tiimdi iske asyrýdy qamtamasyz etý, Tómen kómirtekti damý tujyrymdamasyn daiyndaý, orman qoryn ulǵaitý, sý resýrstary men balyq sharýashylyǵyn basqarý júiesin odan ári damytý boiynsha mańyzdy mindetter qoiylǵanyn atap ótti.
«Memleket basshysy Ulttyq geologiialyq qyzmetti qurýdy tapsyrdy. Geologiialyq barlaýdy damytýǵa jáne jer qoinaýyn keshendi zertteýge, geologiialyq aqparattyń ashyq tsifrlyq bazasyn qurýǵa erekshe nazar aýdarý qajet», — dedi Mamin.
Serikqali Brekeshev 1972 jyly 14 qazanda Pavlodar qalasynda dúniege kelgen. 1995 jyly Atyraý politehnikalyq institýtyn «Munai jáne gaz ken oryndaryn igerý» mamandyǵy boiynsha bitirgen.
Túrli jyldary energetika jáne mineraldyq resýrstar, munai jáne gaz ministrlikterinde, «QazTransGaz» AQ-da basshylyq qyzmetterde jumys istedi. 2020 jyldyń naýryz aiynan bastap QR ekologiia, geologiia jáne tabiǵi resýrstar vitse-ministri qyzmetin atqardy.
