QR Premer-Ministri Asqar Mamin Svevind Energy GmbH, Linde AG, Redpath Deilmann Gmbh, Siemens Energy, Goldbeck Solar GmbH, Saria SE & Co. KG, Becker Mining Systems nemis kompaniialarynyń, sondai-aq Germaniia ekonomikasynyń shyǵys komiteti basshylarymen kezdesý ótkizdi. Bul týraly Úkimettiń baspasóz qyzmeti habarlady.
Taraptar jańartylatyn energetika, gaz óńdeý, AÓK, mashina jasaý, taý-ken metallýrgiia ónerkásibi jáne t. b. salalardaǵy birlesken jobalardy iske asyrýdyń jai-kúii men perspektivalaryn talqylady.
Úkimet basshysy Germaniia Qazaqstannyń iri saýda seriktesteri men negizgi investorlarynyń biri ekenin atap ótti. 2005 jyldan bastap GFR-diń QR ekonomikasyna salǵan tikelei sheteldik investitsiialar kólemi shamamen $5,1 mlrd qurady. 2021 jyldyń birinshi toqsanynda bul kórsetkish ótken jyldyń sáikes kezeńimen salystyrǵanda 72%-ǵa ósip, $64,6 mln asty.
2021 jyldyń I jartyjyldyǵynda Qazaqstan men Germaniia arasyndaǵy taýar ainalymynyń kólemi 26%-ǵa ósip, $1,2 mlrd deiin jetti. Nemis kapitalynyń qatysýymen 950-den astam kásiporyn Qazaqstanda energetika, AÓK, mashina jasaý, qurylys jáne logistika sektorlarynda jumys isteidi.
Kezdesýge Premer-Ministrdiń orynbasary Roman Skliar, indýstriia jáne infraqurylymdyq damý ministri Beibit Atamqulov, aýyl sharýashylyǵy ministri Erbol Qarashókeev, energetika ministri Maǵzum Myrzaǵaliev, ekologiia, geologiia jáne tabiǵi resýrstar ministri Serikqali Brekeshev, «Samuryq-Qazyna» UÁQ» AQ basqarma tóraǵasy Almasadam Sátqaliev, QR GFR-daǵy elshisi Dáýren Káripov jáne t. b. qatysty.
