QR Premer-Ministri Asqar Maminniń tóraǵalyǵymen ótken Úkimet otyrysynda 2020 jylǵy qańtar-tamyzdaǵy QR áleýmettik-ekonomikalyq damý qorytyndysy jáne respýblikalyq biýdjettiń atqarylýy qaraldy.
Ekonomikanyń, bank salasynyń jai-kúii men respýblikalyq biýdjettiń oryndalýy, memlekettik satyp alýdaǵy jergilikti qamtý týraly ulttyq ekonomika ministri R. Dálenov, Ulttyq bank tóraǵasy E. Dosaev, qarjy ministri E. Jamaýbaev, ónerkásip jáne energetika sektoryndaǵy ahýal týraly indýstriia jáne infraqurylymdyq damý ministri B. Atamqulov, energetika ministri N. Noǵaev, agroónerkásip kesheniniń jaǵdaiy týraly aýyl sharýashylyǵy ministri S. Omarov baiandady, dep habarlaidy primeminister.kz saity.
Qabyldanyp jatqan sharalardyń arqasynda segiz aidyń qorytyndysy boiynsha ekonomikanyń negizgi salalarynda ósýdiń oń serpini saqtalyp otyr. Óńdeý ónerkásibinde ósim 3,3 %-ǵa, onyń ishinde mashina jasaýda – 16,3%, tamaq ónimderiniń óndirisinde – 3,6%, farmatsevtikada – 34,1%, jeńil ónerkásipte – 11%, himiia ónerkásibinde – 3,1% jáne daiyn metall buiymdarynyń óndirisinde 18,8% ósim qamtamasyz etildi. Qurylys kólemi 6,5%-ǵa artty, turǵyn úilerdiń 6,4% nemese shamamen 8,1 mln sharshy metr paidalanýǵa berildi. Aýyl sharýashylyǵynda turaqty ósim 4,9% deńgeiinde qamtamasyz etildi. Biylǵy 1 tamyzdaǵy málimet boiynsha altyn-valiýta rezervi jyl basynan beri 22,2%-ǵa artyp, $35,4 mlrd qurady.
OPEK+pen qol jetkizilgen kelisimderdi oryndaý qajettiligi jaǵdaiynda munai óndirýdiń tómendeýi (-2,5%) baiqalady. Sonymen qatar taý-ken sektorynyń basqa mańyzdy baǵyttary boiynsha oń serpin saqtalyp otyr, onyń ishinde kómir óndirý – 1,2%, metall kenin óndirý – 1,3% ósti.
Qyzmet kórsetý sektorynda, sonyń ishinde kólik pen saýda salasynda kórsetkishterdiń tómendegeni (- 6,1%) baiqalady. Bul qatań karantindik shekteý sharalarynyń tek 17 tamyzda ǵana alynýyna bailanysty.
Aqmola, Almaty, Shyǵys Qazaqstan, Jambyl, Qostanai, Mańǵystaý jáne Soltústik Qazaqstan, Pavlodar oblystary 7 kórsetkishtiń ishinde 5 negizgi kórsetkish boiynsha áleýmettik-ekonomikalyq damýdyń ósýin qamtamasyz etti. Aqtóbe, Qaraǵandy, Túrkistan oblystary jáne Nur-Sultan, Almaty, Shymkent qalalarynda 4 kórsetkish boiynsha oń serpin baiqaldy.
«Azamattarymyzdyń áleýmettik ál-aýqatyn qamtamasyz etý maqsatynda turǵyn úige qoljetimdilikti keńeitý, qolaily otbasy-demografiialyq jaǵdai jasaý, ekologiiany, bilim berýdiń sapasyn jaqsartý, sondai-aq densaýlyq saqtaý júiesin jetildirý jónindegi sharalar qabyldanady. Memleket basshysynyń Joldaýyn iske asyrý jónindegi búgin usynylǵan Jalpyulttyq is-sharalar jospary qoiylǵan mindetterge sai. Prezident Jospardy bekitken soń, barlyq memlekettik organdar men ákimdikter birden ony oryndaýǵa kirisýi kerek. Birinshi basshylar jospardyń is-sharalaryn úlken jaýapkershilikpen, sapaly ári ýaqtyly oryndalýyn qamtamasyz etýleri qajet», — dedi Mamin.
Úkimet basshysy ortalyq jáne jergilikti organdardyń basshylaryna qarajatty ýaqytyly jáne óz maqsatyna paidalaný jóninde sharalar qabyldaýmen biýdjet qarajatynyń tiimdi igerilýin qamtamasyz etýdi tapsyrdy.
