QR Premer-Ministri Asqar Maminniń tóraǵalyǵymen ótken «Báiterek» ulttyq basqarma holdingi» AQ direktorlar keńesiniń otyrysynda holdingtiń investitsiialyq saiasatynyń talaptaryn oryndaý máselesi qaraldy, dep habarlaidy "Ult aqparat" primeminister.kz saityna silteme jasap.
2018 jyly «Báiterek» UBH» AQ-nyń enshiles kompaniialary ekonomikanyń shikizattyq emes salalaryndaǵy kásiporyndarǵa 715,2 mlrd tg kóleminde qoldaý kórsetti. Aldyńǵy jylmen salystyrǵanda qarjylyq qoldaý kólemi 14%-ǵa (89 mlrd tg) ósti.
Ekonomikanyń jeke sektoryn damytý maqsatynda kvazimemlekettik sektor sýbektilerine nemese olarmen úlestes zańdy tulǵalarǵa qatysy joq 3590 kompaniia men uiymǵa 541 mlrd teńge kóleminde qoldaý kórsetildi.
Eksportqa baǵyttalǵan óndiristi qoldaý sharalarynyń arqasynda 2018 jyly kásiporyndardyń eksport kólemi 750 mlrd teńgeden asty, bul ótken jylmen salystyrǵanda 5,1%-ǵa (36,8 mlrd tg) artyq.
2018 jyly «Báiterek» UBH» AQ indýstrialdy-innovatsiialyq qyzmet sýbektilerine jalpy somasy 4,7 mlrd teńgege 18 grant berdi. Salystyrý úshin — 2017 jyly jalpy quny 1,7 mlrd teńge bolatyn innovatsiialyq granttar berý týraly 9 kelisim jasaldy.
Ótken jyly holding biznes-inkýbatorlarǵa shyǵyndaryn birlesip qarjylandyrý túrinde qarjylyq qoldaý kórsetti, sonymen qatar, innovatsiialyq qyzmetti keńinen dáripteý boiynsha jumystar júrgizdi.
Otyrysta «Báiterek» UBH» AQ-nyń 2019 jyldyń ekinshi toqsanyndaǵy táýekelderi týraly esep, sondai-aq, holdingtiń Ishki aýdit qyzmeti qyzmetkerleriniń 2019 jyldyń birinshi jáne ekinshi toqsandaryndaǵy qyzmetiniń qorytyndy nátijeliligi týraly esep bekitildi.
