QR Premer-Ministri Asqar Mamin Baiqońyr qalasynyń damýymen tanysyp, «Roskosmos» basshysy Dmitrii Rogozinmen «Nazarbaev starty» jobasyn talqylady, dep habarlaidy primeminister.kz.
QR Premer-Ministri Asqar Mamin jumys sapary barysynda Qyzylorda oblysynyń Baiqońyr qalasynyń áleýmettik-ekonomikalyq damýymen, sondai-aq ǵarysh salasyndaǵy birlesken qazaqstandyq-reseilik jobalardyń iske asyrylý jaǵdaiymen jáne perspektivalarymen tanysty.
Memleket basshysy Q. K. Toqaevtyń Baiqońyr qalasyn damytý jónindegi tapsyrmalarynyń oryndalýyn baqylaý aiasynda Asqar Mamin «Nurly jer» baǵdarlamasy boiynsha salynǵan bes 50 páterli úilerdiń alańyna bardy.
Premer-Ministrge qalany gazdandyrý jáne sýmen qamtý, qonaq úi keshenderin salý jáne rekonstrýktsiialaý, Baiqońyr qalasynda «Baiqońyr» AEA qurý boiynsha atqarylyp jatqan jumystar týraly baiandaldy.
«Soiýz MS-15» pilottalatyn korablin ushyrýdy birlesip baqylaǵan soń Úkimet basshysy ǵarysh qyzmeti jónindegi «Roskosmos» memlekettik korporatsiiasynyń bas direktory D. Rogozinmen «Nazarbaev starty» ǵarysh zymyrany keshenin qurýdyń qazaqstandyq-reseilik jobasyn iske asyrýdyń ózekti máselelerin talqylady.
2019 jyly 7 qyrkúiekte Máskeý qalasynda QR Tuńǵysh Prezidenti – Elbasy N. Nazarbaev pen RF Prezidenti V. Pýtinniń kezdesýi barysynda reseilik tarap «Báiterek» jobasyn «Nazarbaev starty» dep qaita ataýdy, sondai-aq, ony tiimdi iske asyrý úshin «Soiýz-5» jáne «Soiýz-6» zymyran tasyǵyshtaryn ushyrý úshin biregei startty, sondai-aq pilottaý baǵdarlamasyn alyp tastaýdy qarastyratyn jańa jaǵdailardy qarastyrýdy usynǵan edi.
