QR Premer-Ministri Asqar Mamin Birikken Arab Ámirlikteriniń (BAÁ) azyq-túlik qaýipsizdigi ministri Mariam ál Mýheirimen kezdesý ótkizdi, dep habarlaidy "Ult aqparat" Úkimet basshysynyń resmi saityna silteme jasap.
Kezdesýge BAÁ-niń iri biznesteri — «Al Dahra Holding», «DP World», «Fish Farm» jáne t. b. ókilderi qatysty. Taraptar saýda-ekonomikalyq, qarjy-investitsiialyq, kólik-logistikalyq, agroónerkásip, energetika jáne basqa da salalardaǵy yntymaqtastyqtyń jai-kúii men perspektivalaryn talqylady. QR Premer-Ministri Qazaqstan Respýblikasy men Birikken Arab Ámirlikteri arasyndaǵy strategiialyq yntymaqtastyqtyń joǵary deńgeiin atap ótti.
2021 jyldyń 4 aiynda QR men BAÁ arasyndaǵy ózara taýar ainalymy $276 mln qurady, bul ótken jyldyń sáikes kezeńindegi kórsetkishten 13,1%-ǵa artyq. Qazaqstannan BAÁ-ge eksport kólemi 38,7%-ǵa artyp, $247,8 mln jetti. 2020 jyly qarjy jáne kapital naryqtarynyń buryn-sońdy bolmaǵan qysqarýyna qaramastan, BAÁ-den Qazaqstan ekonomikasyna tikelei sheteldik investitsiialar kólemi 12,3%-ǵa artyp, $181,7 mln qurady.
QR Premer-Ministri BAÁ Úkimetiniń azyq-túlik qaýipsizdigin qamtamasyz etýge basa nazar aýdaratynyn eskere otyryp, yntymaqtastyqtyń basym baǵyty AÓK salasyndaǵy jobalardy birlesip iske asyrý ekenin atap ótti. Úkimet basshysy Qazaqstan álemdegi eń perspektivaly AÓK ónimderin óndirýshilerdiń biri ekenin atap ótti. 2020 jyldyń qorytyndysy boiynsha the Economist Intelligence Unit reitinginde Qazaqstan azyq-túlik qaýipsizdigi deńgeii boiynsha 113 orynnyń ishinen 32-oryndy alyp, 2019 jylmen salystyrǵanda óz pozitsiiasyn 16 tarmaqqa jaqsartty. QR men BAÁ birlesken investitsiialyq jobalary qosylǵan quny joǵary, sondai-aq Parsy shyǵanaǵy elderinde zor suranys áleýeti bar jańa óndiristerdi qurýdy kózdeidi. Olardy iske asyrý Qazaqstanda jańa sapaly jumys oryndaryn qurýǵa, ozyq tehnologiialar men is-tájiribeni engizýge múmkindik beredi. Bul rette QR BAÁ júzege asyryp jatqan 2051 jylǵa deiingi azyq-túlik qaýipsizdigi Strategiiasynyń mańyzdy býynyna ainalady, al bul eki el arasyndaǵy investitsiialyq yntymaqtastyqty odan ári arttyrýǵa yqpal etedi.
BAÁ delegatsiiasynyń QR-ǵa sapary nátijesinde qus fabrikalaryn («Alel Agro» jáne «Al Dahra Holding»), sút-taýar fermalaryn («Dinara Group» jáne «Al Dahra Holding») salý, siyr jáne qoi etin óndirý («Nurym Group» jáne «Al Dahra Holding»), jemisterdi óndirý jáne qaita óńdeý («Amal Bio» jáne «Al Dahra Holding»), balyq ósirý jáne qaita óńdeý («Fish Farm»), astyq daqyldaryn óndirý jáne qaita óńdeý («Olzha Agro» jáne «Al Dahra Holding») tárizdi baǵyttar boiynsha jobalardy daiyndaý jáne iske asyrý boiynsha jumystar júrgizilýde.
Kelissóz qorytyndysy boiynsha «Qazaqstan Temir Joly» UK» AQ men «DP World» kompaniiasy arasynda Qazaqstannyń júk aǵynyn arttyrý jáne kólik-logistikalyq infraqurylymyn damytýdaǵy yntymaqtastyqty kózdeitin niettestik týraly hattamaǵa qol qoiyldy.
Kezdesýge Strategiialyq josparlaý jáne reformalar agenttiginiń tóraǵasy – AHQO Basqarýshysy Qairat Kelimbetov, aýyl sharýashylyǵy ministri Saparhan Omarov, indýstriia jáne infraqurylymdyq damý ministri Beibit Atamqulov, «Qazaqstan Temir Joly» UK» AQ basqarma tóraǵasy Nurlan Saýranbaev, «Kazakh Invest» AQ basqarma tóraǵasy Meiirjan Iýsýpov, Qazaqstannyń tikelei investitsiialar qorynyń basqarma tóraǵasy Nurlan Jaqypov, QR-nyń BAÁ-degi elshisi Madiiar Meńilbekov jáne t. b. qatysty.
