QR Premer-Ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlaryna (ÁMAT) jáne janar-jaǵarmai materialdaryna (JJM) baǵany retteý máselesi jóninde keńes ótkizdi, - dep habarlaidy "Ult aqparat" Primeminister.kz saityna silteme jasap.
Qazirgi jaǵdai men júrgizilip jatqan jumys týraly saýda jáne integratsiia ministri Baqyt Sultanov, aýyl sharýashylyǵy ministri Erbol Qarashókeev, indýstriia jáne infraqurylymdyq damý ministri Beibit Atamqulov, energetika vitse-ministri Áset Maǵaýov, «QazMunaiGaz» UK» AQ basqarma tóraǵasy Alik Aidarbaev, Básekelestikti qorǵaý jáne damytý agenttiginiń tóraǵasy Serik Jumanǵarin, Nur-Sultan qalasynyń ákimi Altai Kólginov, Aqtóbe oblysynyń ákimi Ońdasyn Orazalin, Qyzylorda oblysynyń ákimi Gúlshara Ábdiqalyqova, Qaraǵandy oblysy Jeńis Qasymbek jáne t.b. baiandady
Ótken aptada áleýmettik mańyzy bar azyq-túlik taýarlary baǵasynyń ósýi 0,2 paiyz qurady.
Buǵan jumyrtqanyń 2,7 paiyzǵa qymbattaýy áser etti. Jumyrtqa baǵasynyń eń kóp ósýi Mańǵystaý (21,8 paiyz), Shyǵys Qazaqstan (16,6 paiyz) jáne Aqtóbe (12,1 paiyz) oblystarynda tirkeldi. "Ainalym shemasy" sheńberinde óńirlerde 167,7 myń tonna áleýmettik mańyzy bar taýarlar satyp alyndy. Eń kóp jasalǵany nan (41 myń tonna), kartop, un jáne qant (71,6 myń tonna) qory boldy. Kúnbaǵys maiyn, qaraqumyq, siyr eti men qyryqqabatty satyp alýǵa qarjylandyrý ulǵaitylatyn bolady.
Nan baǵasynyń ósýine jol bermeý maqsatynda biylǵy jyldyń sońyna deiin óńirlik turaqtandyrý qorlarynan interventsiialar júzege asyrylady, al keiinnen "Azyq-túlik kelisim shart korporatsiiasy" UK AQ-dan arzandatylǵan bidai satyp alý arqyly júzege asady. Zańnamaǵa tiisti túzetýler memlekettik organdardyń qaraýynda.
Ishki naryqty dizel otynymen qamtamasyz etý úshin avtomobil kóligimen munai ónimderin tasymaldaýǵa tyiym salyndy, a.j. sáýir aiynan bastap dizel otynynyń eksporty toqtatyldy, Atyraý MÓZ-inde josparly jóndeý jumystary 2022 jylǵa aýystyryldy, a. j. 1 qyrkúiekten 5 qazanǵa deiin RF-dan 55,9 myń tonna dizel otyny importtaldy jáne basqa da sharalar qabyldandy. Pavlodar munai-himiia zaýytynyń munaidy bastapqy óńdeý keshenin jóndeý merzimin 1 qazannan 9 qazanǵa aýystyrý qosymsha 30 myń tonna dizel otynyn óndirýge múmkindik berdi. Jóndeý jumystaryn aiaqtaý aǵymdaǵy jyldyń 4 qarashasyna josparlanǵan.
Jyl basynan beri elimizde 78 mln tonna kómir óndirildi. Kommýnaldyq-turmystyq qajettilikter men turǵyndar úshin kómir ónimderiniń qajettilik josparyna sáikes 2021-2022 jyldarǵa arnalǵan tutyný kólemi shamamen 9,2 mln tonnaǵa jýyqty quraidy, onyń ishinde 2,8 mln tonnasy – kommýnaldyq-turmystyq sektorda, 6,4 mln tonnasyn turǵyndar tutynady. Búginde ákimdikter 7,5 mln tonna kómir ákeldi, bul kommýnaldyq-turmystyq sektor qajettiliginiń 93,1%-yn jáne halyqtyń qajettiliginiń 76%-yn qamtamasyz etedi.
Ótken aptada Básekelestikti qorǵaý jáne damytý agenttigi Shymkent qalasynda, Aqmola, Soltústik Qazaqstan, Almaty, Pavlodar, Aqtóbe jáne Jambyl oblystarynda 87 taýar pozitsiiasy boiynsha saýda ústemesin kóterýdiń 16 faktisin anyqtady. Monopoliiaǵa qarsy baqylaý aiasynda dizel otyny naryǵynda baǵany tómendetý týraly 19 habarlama shyǵaryldy. Munai bazalaryn, kóterme jáne bólshek saýda jetkizýshilerin dizel otynyn ótkizýdi shekteýdiń negizdiligi jáne ony QR aýmaǵynan tys jerge shyǵarý múmkindigi turǵysynan tekserý bastaldy.
Premer-Ministr óńirlerdiń ákimderine turaqtandyrý qorlaryn azyq-túlikpen tolyqtyrý jáne "ainalym" shemasyna qarajat bólý jónindegi jumysty jandandyrýdy, saýda sýbektileriniń saýda ústemesin buzýy faktileri boiynsha dereý sharalar qabyldaýdy, halyqtyń jáne kommýnaldyq-turmystyq sektordyń qajettilikteri úshin úzdiksiz kómir jetkizýdi qamtamasyz etýdi tapsyrdy. Úkimet basshysy áleýmettik mańyzy bar azyq-túlik ónimderiniń baǵasyn ustap turý boiynsha júieli jumys júrgizýdiń jáne infliatsiiaǵa qarsy den qoiý sharalarynyń keshenin tiimdi iske asyrýdyń mańyzdylyǵyn atap ótti.
