Búgin Úkimet otyrysynda QR Premer-Ministri Asqar Mamin «Aýyl - el besigi» jobasyn júzege asyrý boiynsha naqty tapsyrmalar berdi, dep habarlaidy QazAqparat.
«Birinshiden, Ulttyq ekonomika ministrligi aýyldyq aýmaqtardy keshendi damytý jumysyn tiisti kórsetkishtermen jáne biryńǵai tásilmen úilestirýdi kúsheitýdi jáne de turaqty monitoring júrgizýdi qamtamasyz etsin», - dedi Asqar Mamin.
Ekinshiden, Úkimet basshysy Aýyl sharýashylyǵy ministrligine «Báiterek» holdingimen jáne ákimdiktermen birge aýyldyq jerlerde kredit qarajatyna suranystyń ulǵaiýyn eskere otyryp, agroónerkásip keshenin turaqty qarjylandyrýdy, josparlanǵan barlyq jobalardyń iske asyrylýyn qamtamasyz etýdi tapsyrdy.
«Úshinshi. Ulttyq ekonomika, Indýstriia, Energetika, Densaýlyq saqtaý, Bilim, Mádeniet ministrlikteri óńirlerdiń ákimdikterimen birge barlyq qajetti is-sharalardy qabyldap, aýyldyq aýmaqtardy damytý jónindegi nysanaly indikatorlarǵa 2025 jylǵa qarai qol jetkizýdi qamtamasyz etsin», - degen Premer-Ministr bul tapsyrmalardyń júzege asyrylýyn baqylaýdy orynbasary Roman Skliarǵa júktedi.
