QR Premer-Ministri Asqar Mamin «Astana» halyqaralyq qarjy ortalyǵynyń alańynda Ortalyqty odan ári damytý máseleleri boiynsha jumys keńesin ótkizdi, dep habarlaidy "Ult aqparat" Úkimet basshysynyń baspasóz qyzmetine silteme jasap.
Keńes barysynda qarjy naryǵyn damytý jáne elimizdiń birja naryǵy infraqurylymy, qarjy ortalyǵynyń jumysy retteitin zańnamany jetildirý máseleleri qaraldy.
AHQO basqarýshysy Q. Kelimbetov qarjy ortalyǵy jalpy qoldanystaǵy 42 aktini (esk. – aǵylshyndyq quqyq negizinde), sondai-aq quqyqtyq bazanyń ashyqtyǵy men «jinaqylyǵyn» qamtamasyz etetin qarjy qyzmetterin retteý boiynsha 27 aktini qabyldanǵanyn habarlady. Sonymen qatar, sottaǵy, sotqa deiingi daýlardyń sheshilý tiimdiligi men jyldamdyǵyn arttyrý maqsatynda a.j. aqpan aiynda AHQO soty men Halyqaralyq arbitraj ortalyǵy eJustice sot tóreligi júiesin resmi túrde iske qosty, bul júie Nur-Sultan qalasynda naqty bolmai-aq álemniń kez kelgen túkpirinen elektrondy formatta talaparyz berýge múmkindik týdyrady. Búgingi tańda AHQO-ynda 150 qatysýshy tirkelgen, jyl sońyna deiin bul sandy 250-ge jetkizý josparlanǵan.
Talqylaýǵa sonymen qatar Premer-Ministrdiń Birinshi Orynbasary – qarjy ministri Á. Smaiylov, ádilet ministri M. Beketaev, syrtqy ister ministriniń birinshi orynbasary M. Tileýberdi, ulttyq ekonomika ministriniń birinshi orynbasary A. Jumabekov, QR indýstriia jáne infraqurylymdyq damý vitse-ministri B. Qamaliev, sonymen qatar Ulttyq bank tóraǵasynyń orynbasary E. Birtanov qatysty.
Keńes qorytyndysy boiynsha QR Premer-Ministri Asqar Mamin aimaqtyq qarjy ortalyǵyna ainalýy tiis AHQO-ny odan ári damytý boiynsha naqty tapsyrmalar berdi.
«Bizdiń basymdyǵymyz – AHQO-ny damytý. Memleket onyń damýy jáne tabysty jumys isteýi úshin barlyq jaǵdailardy jasap jatyr», – dedi A. Mamin.
Keńeste sheteldik investitsiialardyń aǵymyn arttyrý, jańa halyqaralyq áýe baǵyttaryn ashý, qarjy salasyndaǵy zańnamaǵa ózgerister engizý máseleleri qaraldy.
