QR Premer-Ministri Asqar Mamin Ulttyq arhivtiń 15 jyldyǵy mereitoiymen quttyqtady, dep habarlaidy QazAqparat.
Qazir elordadaǵy Elbasy kitaphanasynda el Táýelsizdiginiń 30 jyldyǵyna men Qazaqstan Respýblikasy ulttyq arhiviniń 15 jyldyǵyna arnalǵan «Táýelsizdik jáne Elbasy: jasampazdyqtyń jańa tarihy» halyqaralyq ǵylymi-praktikalyq konferentsiia ótip jatyr.
Atalǵan sharanyń ashylý saltanatynda QR Premer-Ministri Asqar Maminniń Ulttyq arhivtiń 15 mereitoiyna orai quttyqtaý sózi oqyldy.
«Qazaqstan Táýelsizdiginiń 30 jyldyǵymen orailas kelgen 15 jyldyq mereitoilaryńyzben shyn júrekten quttyqtaimyn. Búginde memleket tarihynyń derekti eskertkishi, qundylyqtar qazynasy sanalatyn Ulttyq arhiv Qazaqstan halqynyń tarihi-mádeni murasynyń ajyramas bóligi. Jáne arhiv tarihi, ǵylymi, ekonomikalyq, saiasi mańyzdy qujattardy saqtaýshy ulttyq resýrstar qoimasyna ainaldy. Jas memlekettiń jańa tarihyn mazmunymen baiytyp kele jatqan eleýli oqiǵalardyń shejiresin jinaý, eńseli egemendigimizdiń árbir sátin bolashaq urpaqqa miras etip qaldyrý, kózdiń qarashyǵyndai saqtap qalý – sizder atqaryp jatqan izgilikti is ekeni sózsiz», - delingen A. Maminnyń quttyqtaý sózinde.
Sondai-aq, Úkimet basshysy otandyq arhiv mamandaryna shyǵarmashylyq tabys tiledi.
«Otandyq arhiv isi salasyn jetildirý, qujattyq murany saqtaýmen qatar sheteldik áriptestermen tyǵys qarym-qatynas ornatyp, halyqaralyq yntymaqtastyqtyń damýyna qomaqty úles qosyp kelesizder. QR Ulttyq arhivi ujymyna ózimniń jáne QR Úkimetiniń atynan tolaǵai tabys tileimin. Elimizdiń egemendigin ulyqtaityn jobalardy júzege asyryp, Táýelsizdigimizdiń asyl qazynasy sanalatyn arhiv qujattaryn saf altyndai saqtap, qundy derektermen toltyra beretinderińizge senim bildiremin. Osyndai erekshe, mańyzdy kúni sizderge jańa shyǵarmashylyq jetistikter, igi bastamalaryńyzǵa tabys tileimin», - deidi Premer-Ministr.
Aita ketsek, halyqaralyq ǵylymi-praktikalyq konferentsiiaǵa elimizden bólek, Qyrǵyzstan, Túrkiia, Ózbekstan jáne Reseiden arhiv ókilderi men mamandary qatysyp jatyr.
Atalǵan sharany QR Tuńǵysh Prezidenti – Elbasy kitaphanasy men QR Ulttyq arhivi uiymdastyryp otyr.
