QR Premer-Ministri Asqar Mamin iri amerikalyq aýyl sharýashylyǵy kompaniialarynyń basshylary: Tyson Foods prezidenti S. Stoýffermen, Valmont Irrigation prezidenti M. Leonardpen, AGCO vitse-prezidenti T. Ýilkimen kezdesý ótkizdi, dep habarlaidy "Ult aqparat" primeminister.kz portalyna silteme jasap.
Kezdesýde QR Tuńǵysh Prezidenti Nursultan Nazarbaevtyń 2018 jyly AQSh-qa resmi sapary barysynda qol jetkizilgen kelisimderdi iske asyrý aiasynda agroónerkásiptik keshen salasyndaǵy yntymaqtastyqty damytý máseleleri talqylandy.
Búginde qýattylyǵy aýysymyna 2000 basqa deiin iri qara mal basyn quraityn et óńdeý kombinatyn, mal bordaqylaý ortalyqtaryn, balyq sharýashylyǵy keshenin, agrobiznesparkti, irrigatsiialyq júieler óndiretin zaýytty salý boiynsha jańa birlesken jobalardy iske asyrý pysyqtalyp jatyr. Barlyq jobalar álemdik standarttarǵa sai keletin ozyq tehnologiialarmen jabdyqtalatyn bolady.
Kompaniialardyń ókilderi Qazaqstannyń agroónerkásiptik salasyndaǵy ilgerileýdi atap ótip, birlesken óndiristerdiń zor áleýeti baryn aitty. Qazaqstannyń geografiialyq jaǵynan tiimdi ornalasýy kompaniialar aldynda jańa ótkizý naryqtaryn ashyp otyr, onyń ishinde EAEO, Ortalyq Aziia elderi jáne QHR bar.
QR Premer-Ministri A. Mamin, óz kezeginde, Qazaqstan Úkimetiniń agroónerkásiptik sektordaǵy qazaqstandyq-amerikalyq yntymaqtastyqqa jan-jaqty qoldaý kórsetetinin habarlady.
Kezdesýge QR-daǵy AQSh elshisi Ý. Mozer, AQSh-taǵy QR elshisi E. Qazyhanov, aýyl sharýashylyǵy ministri S. Omarov jáne t.b. qatysty.
