QR Premer-Ministri Asqar Mamin Almaty qalasyna jumys sapary aiasynda megapolistiń selden qorǵaý, energetikalyq, áleýmettik, turǵyn úi jáne týristik infraqurylymynyń damýyn tekserdi. Bul týraly Úkimet saity habarlady.
Úkimet basshysy «Aiýsai» jáne «Aqsai» sel ustaityn bógetteriniń, «Qarǵaly» sý tartý qurylysynyń salyný barysymen, sondai-aq Aqsai, Úlken jáne Kishi Almaty ózenderiniń basseinderindegi morenalyq kólderdiń jai-kúiimen tanysty.
Sel bógeitin «Aiýsai» jáne «Aqsai» bógetterin salý Ile Alataýy ulttyq tabiǵi parkiniń bir bóligin, Almaty GES kaskadynyń obektilerin, Almaty qalasynyń avtojolyn – «Alma Arasan» sanatoriiin, Almaty qalasynyń Naýryzbai aýdanyn sel tasqynynan injenerlik qorǵaýdy qamtamasyz etedi.
A. Mamin bógetterdiń qurylysyn belgilengen merzimde – «Aiýsai» bógetiniń qurylysyn 2022 jylǵy qazan aiynda, «Aqsai» bógetiniń qurylysyn 2023 jyly aiaqtaýdy tapsyrdy.
Almatydaǵy 2-JEO-ny aralaý kezinde «Samuryq-Qazyna» AQ basqarma tóraǵasy Almasadam Sátqaliev Premer-Ministrge megapoliste kórsetilgen iri jylý elektr stantsiiasyn, sondai-aq Almaty energiia kesheniniń basqa da nysandaryn jańǵyrtý jobalarynyń iske asyrylý barysy týraly baiandady.
Atalǵan jobalardy iske asyrý atmosferaǵa ziiandy zattardyń shyǵaryndylaryn jylyna 50,4 myńnan 6,7 myń tonnaǵa deiin tómendetý arqyly qorshaǵan ortaǵa áserdi barynsha azaitýǵa, sondai-aq stantsiialardyń jiyntyq qýatyn 472 MVt-qa – 1300 MVt-qa deiin ulǵaitýǵa múmkindik beredi.
Almaty qalasynyń indýstriialyq aimaǵynda Premer-Ministr «Bijan et óńdeý zaýyty» JShS-da boldy. Shujyq ónimderin tolyq óndirý tsiklin qamtyǵan kásiporyn táýligine 5,5 tonna ónim shyǵarady.
Úkimet basshysy sondai-aq «KSM TehnoVID» JShS energiia tiimdi sáýlet qasbetterin shyǵaratyn zaýyttyń jumysymen tanysty. Kásiporynnyń qýaty jylyna 475 myń sharshy metr energiia únemdeitin PVH jáne aliýminii profildi konstrýktsiialardy quraidy. Zaýyt úshin zamanaýi avtomattandyrylǵan jabdyq «Ónerkásipti damytý qory» AQ arqyly lizingtik qarjylandyrý sheńberinde satyp alyndy.
Premer-Ministrge «Shymbulaq» taý shańǵysy kýrortyn, «Aiýsai» jáne «Gorelnik» vizit-ortalyqtaryn aralaý barysynda Almaty qalasynda týrizmdi damytý jáne taýlarda týristerdiń qaýipsizdigin qamtamasyz etý jónindegi sharalar týraly baiandaldy.
Osy jyldyń 7 aiynda megapolistiń týrizm salasyna salynǵan investitsiialar 56,8 mlrd teńgeni qurady, bul ótken jyldyń sáikes kezeńindegi kórsetkishten 2,4 ese kóp. Qalanyń týristik infraqurylymyn damytý boiynsha jobalar – qonaq úiler, glempingtik jáne kempingtik aimaqtar, taýlarda vizit-ortalyqtar salý, taý joldaryn abattandyrý jáne t. b. iske asyrylýda.
Úkimet basshysy Sh. Aimanov atyndaǵy «Qazaqfilm» AQ kinostýdiiasyn qaita qurý jobasymen, sondai-aq Almaty qalasyndaǵy 350 tósek-oryndyq statsionary bar QR Densaýlyq saqtaý ministrliginiń Ulttyq juqpaly aýrýlar ǵylymi ortalyǵynyń, «Jas Qanat» shaǵyn aýdanyndaǵy jalpy aýdany 233 myń sharshy metr bolatyn kóppáterli turǵyn úilerdiń qurylys barysymen tanysty.
Saparǵa Almaty qalasynyń ákimi Baqytjan Saǵyntaev, tótenshe jaǵdailar ministri Iýrii Ilin, indýstriia jáne infraqurylymdyq damý ministri Beibit Atamqulov, energetika ministri Maǵzum Myrzaǵaliev, ekologiia, geologiia jáne tabiǵi resýrstar ministri Serikqali Brekeshev, densaýlyq saqtaý ministri Aleksei Tsoi, mádeniet jáne sport vitse-ministri Ǵabidolla Ábdirahymov jáne t. b. qatysty.
