Búgin QR Úkimeti Aqtóbe oblysynyń 2021-2025 jyldarǵa arnalǵan áleýmettik-ekonomikalyq damý keshendi josparyn maquldady, dep habarlady "Ult aqparat".
«Aqtóbe oblysy – batys alomeratsiiasynyń ortalyǵy, elimizdegi mańyzdy indýstriialyq-agrarlyq óńir. Metallýrgiia, himiia jáne munai-gaz salalaryn damytý úshin oblystyń aitarlyqtai áleýeti bar. Keshendi jospardyń 36 is-sharasyn iske asyrý oblystyń damýyna jańa serpin beredi, bes jyl ishinde shamamen 5,8 trln teńge investitsiia tartýǵa múmkindik beredi», - dedi Premer-Ministr Asqar Mamin Úkimet otyrysy barysynda.
Onyń aitýynsha, kóliktik jáne injenerlik-kommýnikatsiialyq infraqurylymdy damytý jobalary iske asyrylady. Jańa óndirister ashylyp, jańa mektepter men aýrýhanalar paidalanýǵa beriledi. 114 myńǵa jýyq jańa jumys oryndary qurylady.
«Eń bastysy – oblys halqynyń turmys sapasy men ál-aýqaty jaqsarady, ortasha jalaqy ósedi. Osyǵan bailanysty, keshendi jospardy sapaly iske asyrý úshin barlyq kúsh-jiger jumsalýy qajet. Biz bul qujatty maquldaimyz. Ulttyq ekonomika ministrligi men Aqtóbe oblysynyń ákimdigi múddeli memlekettik organdarmen birge jospardaǵy is-sharalardyń ýaqtyly oryndalýyn qamtamasyz etsin», - dedi Premer-Ministr.
