.JPG)
QR Premer-Ministri Asqar Mamin jumys sapary aiasynda Aqmola oblysyndaǵy kúzgi dala jumystarynyń barysyn tekserdi, dep habarlaidy "Ult aqparat" primeminister.kz-ge silteme jasap.
Qazaqstanda biyl egin jinaý naýqany ýaqytyly bastaldy, búgingi tańda 11,8 mln ga dándi jáne dándi-burshaqty daqyldar nemese 74,3% jinaldy, ortasha ónimdilik 8,7 ts/ga quraǵanda 10,3 mln tonna bastyryldy.
Aqmola oblysyndaǵy jazdyq egis alańy 5 mln gektar, onyń ishinde dándi jáne dándi-burshaqty daqyldar – 4,5 mln ga (108,4 myń ga ósim), maily daqyldar – 266,5 myń ga (+56,8 myń ga), júgerini qosa eseptegende jem-shóp daqyldary – 191,4 myń ga (+6,1 myń ga), kartop – 20,6 myń ga, kókónister – 3,5 myń ga.
Qazirgi ýaqytta Aqmola oblysy boiynsha 3,5 mln ga dándi jáne dándi-burshaqty daqyldar nemese olardyń jalpy jinaý alańynyń 78%-y bastyryldy. Ortasha ónimdiligi 8 ts/ga boldy, 2,8 mln tonnadan astam astyq jinaldy.
Qysqy kezeńge daiyndyq aiasynda 1,2 mln tonna shóp nemese josparlanǵan kólemniń 95%-y, 176 myń tonna pishendeme (jospardyń 72%-y), 43 myń tonna súrlem (23%), 152 myń tonna (15%) saban daiyndaldy.
Aýa raiy qolaily bolǵan jaǵdaida egin jinaý naýqanyn ońtaily merzimde – qyrkúiektiń sońyna deiin aiaqtaý kózdelgen.
Úkimet basshysy Jaqsy aýdanyndaǵy kúzgi dala jumystarmen, jergilikti aýyl sharýashylyǵy kásiporyndarynyń materialdyq-tehnikalyq bazasymen, dándi jáne jem-shóp daqyldaryn óńdeý jáne tazartý, sondai-aq et jáne sút ónimderi óndirisin keńeitý jobalarymen tanysty.
A. Mamin «Agrofirma TNK» JShS óndiristik alańdarynyń birine bardy, ol 15 kásiporynnan turady jáne elevatorlardy, diirmenderdi, qurama jem jáne jarma zaýyttaryn, agrohimiialyq zerthana men naýbaihanany qamtidy. Jumyskerleriniń jalpy sany 2 myń adamdy quraidy, aýyl sharýashylyǵy jerleriniń aýmaǵy – 430 myń ga, egis alqaby – 200 myń ga, elevatorlarda bir jolǵy saqtaý kólemi – 500 myń tonna. Un óndirý qýaty – jylyna 350 myń tonna, qurama jem óndirý qýaty – 80 myń tonna, jarma óndirý qýaty – 18 myń tonna.
«Aýyl – el besigi» jobasynyń iske asyrylýyn baqylaý sheńberinde Premer-Ministr Jaqsy aýylynyń áleýmettik infraqurylym obektilerin – kóppáterli turǵyn úidi, sport mektebin jáne saýda ortalyǵyn aralap kórdi.
Biylǵy jyldyń qańtar-shilde ailarynda Aqmola oblysynyń aýyl sharýashylyǵynyń jalpy ónim kólemi 2020 jyldyń sáikes kezeńimen salystyrǵanda 11,9%-ǵa ósip, 154 mlrd teńgeni qurady. Óńdelgen et óndirisi 50,1%-ǵa (47,1 myń tonna), shujyq ónimderi óndirisi 31,6%-ǵa (1,6 myń tonna), sút ónimderi óndirisi 1,9%-ǵa (60,5 myń tonna) ulǵaidy.
Osy jyldyń qańtar-shilde ailarynda agrarlyq sektorda negizgi kapitalǵa salynǵan investitsiialar 60,2 mlrd teńgeni qurady, bul ótken jyldyń sáikes kezeńinen 2 ese kóp.
Nur-Sultan qalasynyń ainalasynda Azyq-túlik beldeýin damytý aiasynda jalpy somasy 41,7 mlrd teńgege 50 investitsiialyq jobany iske asyrý – bordaqylaý alańdaryn, sút-taýar fermalaryn, qus fabrikalaryn, astyq jáne kókónis qoimalaryn, aýyl sharýashylyǵy ónimderin qaita óńdeý keshenderin salý josparlanǵan.
