مامين اقمولاداعى استىق جيناۋ ناۋقانى مەن جەم-شٶپ دايىنداۋ بارىسىن تەكسەردٸ

قر پرەمەر-مينيسترٸ اسقار مامين جۇمىس ساپارى اياسىندا اقمولا وبلىسىنداعى كٷزگٸ دالا جۇمىستارىنىڭ بارىسىن تەكسەردٸ, دەپ حابارلايدى "ۇلت اقپارات" primeminister.kz-گە سٸلتەمە جاساپ.

قازاقستاندا بيىل ەگٸن جيناۋ ناۋقانى ۋاقىتىلى باستالدى, بٷگٸنگٸ تاڭدا 11,8 ملن گا دەندٸ جەنە دەندٸ-بۇرشاقتى داقىلدار نەمەسە 74,3% جينالدى, ورتاشا ٶنٸمدٸلٸك 8,7 تس/گا قۇراعاندا 10,3 ملن توننا باستىرىلدى.

اقمولا وبلىسىنداعى جازدىق ەگٸس الاڭى 5 ملن گەكتار, ونىڭ ٸشٸندە دەندٸ جەنە دەندٸ-بۇرشاقتى داقىلدار – 4,5 ملن گا (108,4 مىڭ گا ٶسٸم), مايلى داقىلدار – 266,5 مىڭ گا (+56,8 مىڭ گا), جٷگەرٸنٸ قوسا ەسەپتەگەندە جەم-شٶپ داقىلدارى – 191,4 مىڭ گا (+6,1 مىڭ گا), كارتوپ – 20,6 مىڭ گا, كٶكٶنٸستەر – 3,5 مىڭ گا.

قازٸرگٸ ۋاقىتتا اقمولا وبلىسى بويىنشا 3,5 ملن گا دەندٸ جەنە دەندٸ-بۇرشاقتى داقىلدار نەمەسە ولاردىڭ جالپى جيناۋ الاڭىنىڭ 78%-ى باستىرىلدى. ورتاشا ٶنٸمدٸلٸگٸ 8 تس/گا بولدى, 2,8 ملن توننادان استام استىق جينالدى.

قىسقى كەزەڭگە دايىندىق اياسىندا 1,2 ملن توننا شٶپ نەمەسە جوسپارلانعان كٶلەمنٸڭ 95%-ى, 176 مىڭ توننا پٸشەندەمە (جوسپاردىڭ 72%-ى), 43 مىڭ توننا سٷرلەم (23%), 152 مىڭ توننا (15%) سابان دايىندالدى.

اۋا رايى قولايلى بولعان جاعدايدا ەگٸن جيناۋ ناۋقانىن وڭتايلى مەرزٸمدە – قىركٷيەكتٸڭ سوڭىنا دەيٸن اياقتاۋ كٶزدەلگەن.

ٷكٸمەت باسشىسى جاقسى اۋدانىنداعى كٷزگٸ دالا جۇمىستارمەن, جەرگٸلٸكتٸ اۋىل شارۋاشىلىعى كەسٸپورىندارىنىڭ ماتەريالدىق-تەحنيكالىق بازاسىمەن, دەندٸ جەنە جەم-شٶپ داقىلدارىن ٶڭدەۋ جەنە تازارتۋ, سونداي-اق ەت جەنە سٷت ٶنٸمدەرٸ ٶندٸرٸسٸن كەڭەيتۋ جوبالارىمەن تانىستى.

ا. مامين «اگروفيرما TNK» جشس ٶندٸرٸستٸك الاڭدارىنىڭ بٸرٸنە باردى, ول 15 كەسٸپورىننان تۇرادى جەنە ەلەۆاتورلاردى, ديٸرمەندەردٸ, قۇراما جەم جەنە جارما زاۋىتتارىن, اگروحيمييالىق زەرتحانا مەن ناۋبايحانانى قامتيدى. جۇمىسكەرلەرٸنٸڭ جالپى سانى 2 مىڭ ادامدى قۇرايدى, اۋىل شارۋاشىلىعى جەرلەرٸنٸڭ اۋماعى – 430 مىڭ گا, ەگٸس القابى – 200 مىڭ گا, ەلەۆاتورلاردا بٸر جولعى ساقتاۋ كٶلەمٸ – 500 مىڭ توننا. ۇن ٶندٸرۋ قۋاتى – جىلىنا 350 مىڭ توننا, قۇراما جەم ٶندٸرۋ قۋاتى – 80 مىڭ توننا, جارما ٶندٸرۋ قۋاتى – 18 مىڭ توننا.

«اۋىل – ەل بەسٸگٸ» جوباسىنىڭ ٸسكە اسىرىلۋىن باقىلاۋ شەڭبەرٸندە پرەمەر-مينيستر جاقسى اۋىلىنىڭ ەلەۋمەتتٸك ينفراقۇرىلىم وبەكتٸلەرٸن – كٶپپەتەرلٸ تۇرعىن ٷيدٸ, سپورت مەكتەبٸن جەنە ساۋدا ورتالىعىن ارالاپ كٶردٸ.

بيىلعى جىلدىڭ قاڭتار-شٸلدە ايلارىندا اقمولا وبلىسىنىڭ اۋىل شارۋاشىلىعىنىڭ جالپى ٶنٸم كٶلەمٸ 2020 جىلدىڭ سەيكەس كەزەڭٸمەن سالىستىرعاندا 11,9%-عا ٶسٸپ, 154 ملرد تەڭگەنٸ قۇرادى. ٶڭدەلگەن ەت ٶندٸرٸسٸ 50,1%-عا (47,1 مىڭ توننا), شۇجىق ٶنٸمدەرٸ ٶندٸرٸسٸ 31,6%-عا (1,6 مىڭ توننا), سٷت ٶنٸمدەرٸ ٶندٸرٸسٸ 1,9%-عا (60,5 مىڭ توننا) ۇلعايدى.

وسى جىلدىڭ قاڭتار-شٸلدە ايلارىندا اگرارلىق سەكتوردا نەگٸزگٸ كاپيتالعا سالىنعان ينۆەستيتسييالار 60,2 ملرد تەڭگەنٸ قۇرادى, بۇل ٶتكەن جىلدىڭ سەيكەس كەزەڭٸنەن 2 ەسە كٶپ.

نۇر-سۇلتان قالاسىنىڭ اينالاسىندا ازىق-تٷلٸك بەلدەۋٸن دامىتۋ اياسىندا جالپى سوماسى 41,7 ملرد تەڭگەگە 50 ينۆەستيتسييالىق جوبانى ٸسكە اسىرۋ – بورداقىلاۋ الاڭدارىن, سٷت-تاۋار فەرمالارىن, قۇس فابريكالارىن, استىق جەنە كٶكٶنٸس قويمالارىن, اۋىل شارۋاشىلىعى ٶنٸمدەرٸن قايتا ٶڭدەۋ كەشەندەرٸن سالۋ جوسپارلانعان.