QR Premer-Ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵasyn retteý máseleleri boiynsha keńes ótkizdi, - dep habarlaidy "Ult aqparat" primeminister.kz saityna silteme jasap.
Qazirgi jaǵdai men júrgizilip jatqan jumys týraly saýda jáne integratsiia ministri Baqyt Sultanov, aýyl sharýashylyǵy ministri Erbol Qarashókeev, básekelestikti qorǵaý jáne damytý agenttiginiń tóraǵasy Serik Jumanǵarin, Atyraý oblysynyń ákimi Mahambet Dosmuhambetov, Mańǵystaý oblysynyń ákimi Nurlan Noǵaev, Batys Qazaqstan oblysynyń ákimi Ǵali Esqaliev jáne t. b. baiandady.
Ótken aptada áleýmettik mańyzy bar azyq-túlik taýarlary baǵasynyń ósýi 0,2% qurady. Buǵan qyryqqabat baǵasynyń 3,5%-ǵa jáne jumyrtqanyń 1,6%-ǵa qymbattaýy áser etti. Qyryqqabat baǵasynyń eń kóp ósýi Almaty qalasynda (19,3%), Aqtóbe (7,4%) jáne Túrkistan (6,7%) oblystarynda tirkeldi. Atyraý oblysynda jumyrtqa baǵasynyń edáýir ósýi oryn aldy (27%).
«Ainalym shemasy» sheńberinde óńirlerde 273,6 myń tonna áleýmettik mańyzy bar taýar satyp alyndy. Ótken aptada jumyrtqa (+70,6 mln dana), kartop (+17,4 myń tonna), sábiz (+7,2 myń tonna), piiaz (+4,7 myń tonna), qyryqqabat (+4,8 myń tonna) jáne t. b. satyp alý ulǵaityldy.
Ótken aptada Básekelestikti qorǵaý jáne damytý agenttigi nan, jumyrtqa jáne un óndirýshilerine baǵanyń múmkin ósýi týraly jariia málimdegeni úshin 4 eskertý jasady. Nur-Sultan qalasynda, Túrkistan jáne Mańǵystaý oblystarynda 18 taýar pozitsiiasy boiynsha saýda ústemesin kóterýdiń 7 faktisi anyqtaldy. Túrli baǵalardy qoldaný belgisi boiynsha habarlamany oryndamaýyna bailanysty «Taraz qant zaýyty» JShS-ǵa qatysty tergeý taǵaiyndaldy.
Búgingi kúni óndirýshilermen jáne iri sýpermarkettermen baǵa men saýda ústemesin tómendetý týraly, onyń ishinde respýblikalyq iri saýda jelilerimen ÁMAT-qa saýda ústemesin 15%-dan 10%-ǵa deiin tómendetý týraly, sondai-aq Qazaqstannyń jumyrtqa óndirýshiler qaýymdastyǵyna kiretin Qazaqstannyń 14 qus fabrikasymen 108 monopoliiaǵa qarsy komplaens aktisi jasaldy.
Premer-Ministr óńirlerdiń ákimderine áleýmettik mańyzy bar azyq-túlik ónimderiniń baǵasyn ustap turý jumysynyń tiimdiligin, onyń ishinde «ainalym» shemasyn qarjylandyrýdy jáne turaqtandyrý qorlaryna satyp alýdy usynylatyn kólemderge deiin jetkizý, azyq-túlik taýarlarynyń óńiraralyq úzdiksiz aǵynyn uiymdastyrý, sondai-aq saýda sýbektileriniń saýda ústemelerin asyrý faktileriniń jolyn ýaqtyly kesý arqyly arttyrýdy tapsyrdy.
Úkimet basshysy áleýmettik mańyzy bar azyq-túlik ónimderiniń baǵasyn ustap turý boiynsha júieli jumys júrgizýdiń jáne jalpy Infliatsiiaǵa qarsy den qoiý sharalarynyń keshenin tiimdi iske asyrýdyń mańyzdylyǵyn atap ótti.
