Premer-Ministr Asqar Mamin oblystardyń, respýblikalyq mańyzy bar qalalar men elorda ákimderi apparattarynda halyqty jeke qabyldaýdy uiymdastyrýdyń úlgilik reglamentin bekitti, dep habarlaidy "Ult aqparat" primeminister.kz saityna silteme jasap.
Qazaqstan Respýblikasy Úkimetiniń 2020 jylǵy 8 qyrkúiektegi №560 Qaýlysy
Oblystardyń, respýblikalyq mańyzy bar qalalardyń jáne astananyń ákimderi apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń úlgilik reglamenti men Oblystardyń, respýblikalyq mańyzy bar qalalardyń jáne astananyń ákimderi apparattarynyń ótinishterdi qaraýdy baqylaý bólimderi týraly úlgilik erejeni bekitý týraly
Qazaqstan Respýblikasynyń Úkimeti QAÝLY ETEDI:
1. Mynalar:
1) osy qaýlyǵa 1-qosymshaǵa sáikes Oblystardyń, respýblikalyq mańyzy bar qalalardyń jáne astananyń ákimderi apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń úlgilik reglamenti (budan ári – Úlgilik reglament);
2) osy qaýlyǵa 2-qosymshaǵa sáikes Oblystardyń, respýblikalyq mańyzy bar qalalardyń jáne astananyń ákimderi apparattarynyń ótinishterdi qaraýdy baqylaý bólimderi týraly úlgilik ereje (budan ári – Úlgilik ereje) bekitilsin.
2. Oblystardyń, respýblikalyq mańyzy bar qalalardyń jáne astananyń jergilikti atqarýshy organdary osy qaýly qabyldanǵannan keiin bir ai ishinde:
1) Úlgilik reglamentke sáikes ákimder apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń reglamentin ázirlesin jáne bekitsin;
2) ákimder apparattarynyń ótinishterdi qaraýdy baqylaý bólimderi týraly erejelerin zańnamada belgilengen tártippen Úlgilik erejege sáikes keltirsin;
3) osy qaýlydan týyndaityn ózge de sharalardy qabyldasyn.
3. Osy qaýly qol qoiylǵan kúninen bastap qoldanysqa engiziledi jáne resmi jariialanýǵa tiis.
Qazaqstan Respýblikasynyń Premer-Ministri A. Mamin
