QR Premer-Ministri Asqar Mamin Airbus kontserniniń vitse-prezidenti Alberto Gýterrespen kezdesý ótkizdi. Taraptar Qazaqstanda kontsern shyǵaratyn áskeri jáne azamattyq áýe kemelerine qyzmet kórsetetin jáne jóndeitin sertifikattalǵan ortalyq qurý jobasyn iske asyrý máselesin talqylady, dep habarlaidy primeminister.kz.
Kelissózder barysynda «Ǵalam BK» JShS birlesken kásipornynyń ónimin Airbus óndiristik tizbegine qosý, sondai-aq kontsern ushaqtaryn óndirý úshin qazaqstandyq shikizatty jetkizý kólemin ulǵaitý perspektivalaryna erekshe nazar aýdaryldy. Qazirgi tańda Qazaqstan Airbus-pen birlesip «Evrokopter Qazaqstan injiniring» JShS, «Qazaqstandyq aviatsiialyq indýstriia» JShS jáne «Ǵalam BK» JShS bazasynda birlesken jobalardy iske asyryp jatyr.
2021 jylǵy 1 qyrkúiekte Qazaqstan Qorǵanys ministrliginiń qajettilikteri úshin júk kótergishtigi joǵary eki Airbus A400M áskeri-kólik ushaǵyn satyp alýǵa kelisimshartqa qol qoiyldy. Ushaq áskeri, azamattyq gýmanitarlyq missiialar aiasynda áýe tasymalyn júzege asyra alady, tótenshe jaǵdailarda jedel is-qimyl jasaýda tiimdi. Airbus A400M jetkizý kelisimsharty qyzmetkerlerdi oqytý jáne tehnikalyq qoldaýdy uiymdastyrý boiynsha qyzmetter paketin qamtidy.
Alǵashqy áýe kemesin 2024 jyly jetkizý kózdelgen. Kezdesýge indýstriia jáne infraqurylymdyq damý ministri Beibit Atamqulov, qorǵanys ministri Murat Bektanov jáne t. b. qatysty.
