Premer-Ministr Asqar Mamin QR aýmaǵynda koronavirýs infektsiianyń taralýyna jol bermeý jónindegi vedomstvoaralyq komissiianyń (VAK) otyrysyn ótkizdi. Bul týraly primeminister.kz habarlady.
Eldegi sanitarlyq-epidemiologiialyq jaǵdai týraly densaýlyq saqtaý ministri Aleksei Tsoi, óńirlerdegi ahýal týraly Nur-Sultan qalasynyń ákimi Altai Kólginov, Qaraǵandy oblysynyń ákimi Jeńis Qasymbek, Atyraý oblysynyń ákimi Mahambet Dosmuhambetov, sondai-aq Shymkent qalasy ákiminiń birinshi orynbasary Shyńǵys Muqan baiandady.
Qazaqstandaǵy sanitarlyq-epidemiologiialyq jaǵdai kúrdeli. COVID-19-ben syrqattanýshylar sany artýda. Koronavirýstyń delta shtammynyń ósýi barlyq aimaqta tirkelgen. Virýstyń reprodýktivtik indeksi – 1,2, infektsiialyq tósek oryn júktemesi – 43%, reanimatsiialyq tósek oryn – 35%.
Koronavirýstyń taralý qarqyny boiynsha 12 óńir «qyzyl aimaqta» tur: Nur-Sultan, Almaty jáne Shymkent qalalary, Aqmola, Aqtóbe, Atyraý, Batys Qazaqstan, Qaraǵandy, Qostanai, Mańǵystaý, Pavlodar jáne Soltústik Qazaqstan oblystary. «Sary aimaqta» Almaty, Jambyl jáne Qyzylorda oblystary, «jasyl aimaqta» – Shyǵys Qazaqstan jáne Túrkistan oblystary tur. Búgingi tańda 4,6 mln-nan astam adam nemese vaktsina alýǵa jatatyn adamdardyń 46,5%-y birinshi komponentti, 2,5 mln-nan astam adam ekinshi komponentti aldy. Halyqty vaktsinamen qamtýdyń eń tómen kórsetkishi Mańǵystaý oblysynda – 23,6%, Batys Qazaqstan jáne Aqtóbe oblystarynda 39%-dan baiqalady.
VAK el boiynsha syrqattanýshylyq pen ólim-jitimniń 55%-yn quraityn Nur-Sultan jáne Shymkent qalalarynda, Qaraǵandy jáne Atyraý oblystarynda karantindik sharalardy qatańdatý týraly sheshim qabyldady:
Ashyq-qa qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týristik) avtobýs jáne mikroavtobýs tasymaldary ýaqytsha toqtatylady. Jabyq jaǵajailar men akvaparktardyń, attraktsiondardyń qyzmeti toqtatylady.
Demalys kúnderi Ashyq-qa qatysatynyna qaramastan, qoǵamdyq kóliktiń, SOSO-nyń, saýda úileriniń, saýda jelileriniń, sport obektileriniń (sport keshenderiniń, sport mektepteriniń, sport klýbtarynyń, jattyǵý zaldarynyń), qoǵamdyq tamaqtaný obektileriniń, fýdkorttardyń (tamaq jetkizýmen jumys isteýge ruqsat etiledi), fitnes-ortalyqtardyń, fitnes-klýbtardyń, ioga-ortalyqtardyń, sporttyq-saýyqtyrý nysandarynyń, saýnalardyń, monshalardyń, SPA-ortalyqtardyń, basseinderdiń, kinoteatrlardyń, teatrlardyń, kontsert zaldarynyń, filarmoniialardyń, tsirkterdiń, alańy 1000 m² asatyn azyq-túlik emes taýarlardy satatyn obektilerdiń, ashyq jáne jabyq bazarlardyń, kompiýterlik klýbtardyń, boýlingterdiń, biliardtyń, karaokeniń, túngi klýbtardyń, bilim berý ortalyqtarynyń, balalar men eresekterge arnalǵan úiirmelerdiń, balalardy damytý ortalyqtarynyń, balalardyń oiyn-saýyq ortalyqtarynyń, bankterdiń, HQKO-lardyń, Qazposhta bólimsheleriniń, dini nysandardyń jumysyna tyiym salynady.
Jumys kúnderi saǵat 17:00-ge deiin balalar oiyn-saýyq ortalyqtarynyń (oiyn alańdary, jabyq ǵimarattardaǵy attraktsiondar), SOSO, saýda úileriniń, saýda jelileriniń, ashyq jáne jabyq bazarlardyń qyzmeti shektelgen.
Jumys kúnderi saǵat 17:00-ge deiin (Ashyq qatysýshylary - saǵat 20:00-ge deiin) qoǵamdyq tamaqtaný obektileriniń, fýdkorttardyń, fitnes-ortalyqtardyń, fitnes-klýbtardyń, ioga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtarynyń, sport obektileriniń, basseinderdiń, kinoteatrlardyń qyzmeti shekteledi.
Vaktsina alǵan jáne sońǵy 3 ai ishinde koronavirýstan jazylyp shyqqan adamdardy qospaǵanda, barlyq uiymdardyń 80 paiyz qyzmetkeri úshin qashyqtan jumys isteý formaty engiziledi.
Úkimet basshysy óńirlerdiń ákimdikterine, ortalyq memlekettik organdarǵa densaýlyq saqtaý júiesiniń resýrstaryn jumyldyrý, onyń ishinde rezervtik tósek-oryndardy, dári-dármekterdi, jeke qorǵanysh quraldaryn, meditsinalyq jabdyqtar men kadrlardy qamtamasyz etý boiynsha barlyq sharalardy qabyldaýdy tapsyrdy. Alǵashqy meditsinalyq-sanitarlyq kómek jumysyna erekshe nazar aýdarý kerek.
Premer-Ministr óńirlerdiń ákimdikterine, ásirese Mańǵystaý, Batys Qazaqstan jáne Aqtóbe oblystarynda vaktsinalaý qarqynyn kúsheitýdi tapsyrdy.
