«Nur Otan» partiiasy Tóraǵasynyń Birinshi orynbasary B.Baibektiń advokaty A.Tashenova belsendi J.Mamai men onyń zańdy ókili E.Qalievpen jalǵasyp jatqan sot protsesiniń barysy týraly mán-jailarǵa toqtaldy.
Bul týraly «Keshe sot kabinetinde E.Qalievtiń Almaty qalasynyń Áýezov aýdandyq №2 sotynyń J.Mamai men I.Imanbaevadan memleket kirisine árqaisysynan 140 016 teńgeden ósimpul óndirip alý týraly sheshimine qatysty Almaty qalasy sotynyń apelliatsiialyq alqasyna jazǵan jeke shaǵymdaryn aldym», – dep A.Tashenova óziniń Facebook-paraqshasynda jazba qaldyrǵan.
A.Tashenova buǵan deiingi 2 sot instantsiiasynyń sheshimderine sáikes, sotta jeńilis tapqan J.Mamai men I.Imanbaeva 876 402 teńge kóleminde sot shyǵyndaryn májbúrli túrde tólegenin, alaida talap-aryzdyń negizgi talaby – B.Baibek týraly jalǵan materialdardy joqqa shyǵarýdy jáne olardy joiýdy áli oryndamai otyrǵanyn jetkizdi.
Sonymen qatar, olardyń zańdy ókili E.Qaliev jazǵan jeke shaǵymdarǵa qarap, onyń kásibi deńgeii tómen ekenin ańǵarýǵa bolady deidi.
«Jeke shaǵymdardyń mazmunyn zerdeleý barysynda boryshkerler ókiliniń kásibi deńgeii týraly eriksiz suraq týyndaidy. Qaliev ar-namysty, qadir-qasiet pen iskerlik bedeldi qorǵaý týraly sot sheshimimen kelispeitinin málimdei otyryp, taǵy da jalań emotsiiamen 2 instantsiiada dáleldengen faktilerge qarsy shyǵýǵa tyrysyp otyr. Bul rette ol munyń osy sotta qarastyrý máni bola almaitynyn jaqsy biletinine senimdimin», – delingen jazbada.
Eń qyzyǵy, boryshkerler sot sheshimin oryndamaǵan jaǵdaida Almaty kóshelerin sypyratyn kórinedi.
«Boryshkerlerdiń nigilistik ustanymy, sot sheshimin kópshilik aldynda jáne qasaqana oryndamaýy bizdi Mamai men Imanbaeva Almaty kóshelerin sypyratyn basty shoýǵa jaqyndata túsýde dep sanaimyn», - dedi advokat A.Tashenova.
A.Tashenova óz jazbasyn «Boryshkerlerdiń dolbarlarynyń dáieksizdigine jáne tipti absýrdtyǵyna árkim óz betinshe kóz jetkize alýy úshin men J.Mamaidyń múddesi boiynsha berilgen E.Kalievtiń jeke shaǵymyn (sebebi eki shaǵymda da mátinder birdei) jáne oǵan meniń pikirimdi qosa berip otyrmyn», – dep qorytyndylaǵan.
Jazbanyń tolyq nysany kelesi siltemede.
