Báidibek aýdany Boraldai aýylynda aýyz sý qubyrynan shyqqan jylanǵa qatysty «Báidibek-Sý» mekemesiniń mamandary túsinik berdi, dep habarlaidy QazAqparat.
Mamandar oqiǵa ornynda bolyp, zerdeleý jumystaryn júrgizgen.
«Boraldai aýylynyń turǵyny jeke aýlasyndaǵy sý eseptegish quralyn «Báidibek sý» mekemesiniń ruqsatynsyz jáne qai ýaqytta alyp tastaǵany belgisiz. Tekserý barysynda jáne videodan kórinip turǵandai sý eseptegish quraly bolmaǵandyqtan ashyq turǵan sý qubyryna jylan basymen syrttan kirip tur. 17 shilde kúni Boraldai eldi mekeniniń aýyz sý jinaityn rezervýary men qubyrlarynyń sýy tolyq tógilip, búgingi kúni «Báidibek sý» mekemesi tarapynan zalalsyzdandyrý (hlorlaý) jumysy júrip jatyr», - deidi «Báidibek-Sý» MKM baspasóz hatshysy Abzal Ábdinazar.
