QR Prezident Ákimshiligi basshysynyń orynbasary Málik Myrzalin Prezidenttik jastar kadrlyq rezervindegi azamattarmen kezdesti. Jiynǵa kelgen máslihat depýtattaryna Málik Myrzalin paidaly keńesterimen bólisti, dep habarlaidy QazAqparat.
«Máslihattarda quzyret óte kóp. Ókinishke qarai onyń kóbin depýtattar paidalana almai jatyr. Meniń ózim buryn oblys ákimi boldym. Jalpy oblys ákimdigindegi satylardyń bárinen óttim. Eger máslihattarǵa belsendi ári óńiri úshin talmai eńbek etetin adamdar kelse – onda ákimdikterge yqpal eterlik jumys tetigi jeterlik. Osylaisha halyqty mazalap turǵan máselelerge qarajat birinshi joldanar edi. Iaǵni men máslihat depýtattarynyń zań júzindegi quzyretterin barynsha paidalanýǵa shaqyramyn», - dedi Málik Myrzalin Prezidenttik jastar kadrlyq rezervindegi azamattarmen elordadaǵy kezdesý barysynda.
Onyń aitýynsha, Memleket basshysy máslihattardyń ózderi de qol jinai alatynyn da aitqanyn eske saldy.
«Máselelerdi ashyq kórsetińiz. Halyqty alańdatqan problemany ashyq aityńyz. Álbette ár adamdy ózi turatyn úi men kóshe, sýy men gazy, joly alańdatatyny belgili. Qarajat maqsatty túrde jumsalýy kerek – kent pen kósheler shaǵyn bolsa, ol jaqqa túsetin júkteme de kóp emes. Halyq kóp turatyn kósheler bolsa onda ákimdik pen máslihat aqshany sol jaqqa aýdarýy kerek», - dedi spiker.
Sonymen qatar Málik Myrzalin osynaý birlesken jumys oily ári paiymdy túrde júrgizilýi kerektigin eske saldy.
«Bul qandai da bir saiasi manipýliatsiiaǵa ainalmaýy tiis. Kim qatty aiqailasa – aqsha sonda ketýi kerek degen ádisten arylý kerek. Máslihat depýtattary degenmen belsendi pozitsiiany ustanýy kerek. Qazir halyq saiasi turǵyda ǵana emes, quqyqtyq salada da saýatty. Saiasi alańda básekege qabiletti bolyp, kelesi joly da sailaýda jeńýi úshin – ár depýtat óz sailaýshylarynyń quqyǵyn qorǵai bilýi tiis», - dedi Málik Myrzalin.
