ASEAN ádebi syilyǵynyń laýreaty, Malaiziianyń ulttyq jazýshysy Mýhammad Hadji Salleh elordada ótip jatqan Aziia qalamgerleriniń I forýmynda «Aziia avtorlary qaýymdastyǵyn» qurýdy usyndy, dep habarlaidy QazAqparat.
«Bizdiń álem - qazir óte qiyn orynǵa ainaldy. Qaqtyǵystar men soǵystar jiiledi. Dál osyndai jaǵdaida jazýshylardyń negizgi róli – osynaý álemdi jaqsartý. Bul - shyǵarmashylyq turǵyda óte kúrdeli protsess. Biz, jazýshylar, uzaq ýaqyt boiy jazyp júrmiz. Ádebiettiń mańyzdy ekenin álemge túsindirýimiz kerek. Biraq ádebi tildi qazir ǵylym tili yǵystyryp barady», - dedi Mýhammad Hadji Salleh.
Qalamgerdiń aitýynsha, jazýshynyń mindeti – kúndelikti ómirge ádebiet tilin qaitarý.
«Biz Aziia avtorlarynyń qaýymdastyǵyn qurýymyz kerek. Birikken aziialyq ádebietti zerttei alatyn oryn bolýy tiis. Óitkeni eger men qazaq ádebietin, japon nemese qytai tilin oqyǵym kelse, maǵan ondai múmkindik beretin institýtqa kelý kerek. Qazirgi tańda mundai uiym joq. Siz amerikalyq ýniversitettiń birine barýyńyzǵa bolady. Biraq izdegenińizdi ol jerden taba almaisyz. Bizde aziialyq ádebiettiń tolyqqandy institýty bolýy kerek. Sonymen qatar, bizge qazaqstandyq jáne malaiziialyq jazýshylar, japon jáne úndi jazýshylary tájiribe almasa alatyndai baǵdarlama qajet», - dedi malaiziialyq qalamger.
