Malaiziia biligi 1 qyrkúiekten bastap elden ushyp ketetinderden alynatyn qosymsha salyq túrin engizdi. Qarjy ministri Lim Gýan Eng qol qoiǵan qaýlyda jańa salyqtyń somasy da belgilendi. Bul týraly The Straits Times basylymy jazdy, dep habarlaidy QazAqparat.
Malaiziia Brýnei, Vetnam, Indoneziia, Kambodja, Laos, Mianma, Singapýr, Tailand jáne Filippinmen birge Ońtústik-Shyǵys Aziia memleketteriniń qaýymdastyǵyna (ASEAN) múshe. Osy elderdiń birine ekonom-klaspen ushatyndardan eń az mólsherde alym alynady - 8 ringgit ($1,9). Qyzmet kórsetý deńgeii joǵary klastarmen ushatyndar 50 ringgit ($11,9) tóleidi.
Al ASEAN-ǵa múshe emes elderge saiahattaityndar ekonom-klass úshin 20 ringgit ($4,7), biznes-klass úshin - 150 ringgit ($35) tóleidi.
Malaiziia Qarjy ministrliginiń málimdeýinshe, 2 jasqa tolmaǵan balalar salyqtan bosatylady. Budan bólek, tranzit arqyly ushatyndardyń Malaiziiada bolý ýaqyty 12 saǵattan aspasa, olarǵa da bul salyqtyń qatysy joq.
Malaiziia týrizm damyǵan elderdiń biri sanalady. Byltyr Koroldikke 25,8 mln sheteldik týrist saiahat jasaǵan.
