Biylǵy jyldyń 9 aiynda mal sharýashylyǵynyń jalpy ónim kólemi 2 244,7 mlrd teńgeni qurady, bul ótken jyldyń sáikes kezeńinen 3,7%-ǵa joǵary, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, 2021 jyldyń qańtar-qyrkúiek ailarynda mal sharýashylyǵyndaǵy ósim 2020 jylǵy qańtar-qyrkúiekpen salystyrǵanda respýblikanyń 10 óńirinde baiqaldy.
1 qazandaǵy jaǵdai boiynsha, ótken jyldyń sáikes kezeńimen salystyrǵanda sharýashylyqtardyń barlyq sanattarynda iri qara mal sany 4,7%–ǵa ulǵaidy.
Atalǵan kezeńde sharýashylyqtardaǵy soiylǵan mal men qustyń eti 844,0 myń tonnany qurady, bul ótken jyldyń tiisti kezeńimen salystyrǵanda 7,5%-ǵa kóp.
Osy rette siyr eti óndirisi 4,9%-ǵa 361,3 myń tonnaǵa deiin, qoi eti 1,6%-ǵa 101,6 myń tonnaǵa deiin, jylqy eti 6,2%-ǵa 97,6 myń tonnaǵa deiin, qus eti 21,3%-ǵa 208,5 myń tonnaǵa deiin ulǵaidy. Shoshqa eti óndirisi barlyq óńirlerde 3,6%-ǵa 56,8 myń tonnaǵa deiin tómendedi.
Sút boiynsha import almastyrýdy tómendetý jáne sút óńdeý kásiporyndaryn shikizatpen qamtamasyz etý maqsatynda 2021 jylǵy 20 qazandaǵy jaǵdai boiynsha 3 ónerkásiptik sút-taýar fermasy (Aqmola, Qostanai, SQO) jáne 10 otbasylyq sút-taýar fermasy (Aqmola, Almaty, Qostanai, Pavlodar, SQO, Shymkent qalasy) paidalanýǵa berildi.
2021 jyldyń 1 qazanyndaǵy jaǵdai boiynsha, respýblikaǵa asyl tuqymdy 15 498 bas iri qara ákelindi, onyń ishinde sútti tuqymdar – 1 735 bas, sútti-etti – 3 611 bas, etti tuqymdar – 10 152 bas.
Ai saiynǵy monitoring negizinde 2021 jylǵy 1 qazandaǵy jaǵdai boiynsha elimizde óndiris qýaty orta eseppen 50-den 10,0 myń mal ornyna deiin jáne jiyntyq qýaty 389,2 myń mal ornyna deiin saralanatyn.
Eldegi jaǵdai boiynsha júrgiziletin ai saiynǵy monitoring negizinde aitar bolsaq, barlyǵy 507 birlik bordaqylaý alańy jumys isteidi, olardyń óndiristik qýaty orta eseppen 50-den 10,0 myńnan astam mal ornyna deiin jáne jiyntyq qýaty 389,2 myń mal ornyna deiin saralanady.
Óndiristik qýat boiynsha úzdik úsh óńir bar: BQO - 58,2 myń mal orny, Túrkistan oblysy - 46,4 myń mal orny jáne Almaty oblysy - 40,0 myń mal orny, olardyń úles salmaǵy jiyntyǵynda 37% (144,6 myń mal orny) quraidy.
Búgingi kúni bordaqylaý alańdarynyń naqty júktemesi 35%-dy quraidy. Aǵymdaǵy jyldyń basynan bastap bordaqylaýǵa 134,0 myń bas buqa tústi.
