Foto: áleýmettik jeli
Jýrnalist Rýslan Ótepbai quldyqtan bosap, qazirgi tańda Taraz qalasynda turyp jatqan apaly-sińili Qundyz ben Nazgúldi jańa jyl merekesimen quttyqtady, dep habarlaidy Ult.kz.
Bul týraly jýrnalist áleýmettik jelidegi paraqshasynda jazdy.
"Qundyz ben Nazgúldiń jaǵdaiynan habar alý úshin araǵa tórt ai salyp, Tarazǵa keldim. Qos qaryndasymdy kórip, jańa jyldarymen quttyqtap, sóilesip qaittym. Qundyz ben Nazgúl sizderge sálem aityp jatyr", – dep jazdy Rýslan Ótepbai.
Sondai-aq jýrnalist Qytaidan arnaiy alyp kelgen syilyqtaryn tabys etken. Ásirese, Qundyzǵa syiǵa tartylǵan mikrofon erekshe qýanysh syilaǵan. Ol mikrofonmen qonaqtarǵa «Tańǵy eles» ánin oryndap bergen.
Sonymen qatar kópshilik qyzdardyń qazirgi jaǵdaiyna alańdaýshylyq bildirip, burynǵy qalyptaryna qaita túskenin jazyp jatyr.
