Túrkistan oblysynyń Maqtaaral aýdanynda taǵy 3 aýylǵa sý basý qaýpi tónip tur, - dep habarlaidy óńirlik kommýnikatsiialar qyzmeti.
Eske sala keteiik, aýdanda kollektordan sý tógilýine bailanysty Jańa turmys jáne Jeńis aýyldaryn sý alyp ketti.
Qazirgi ýaqytta Myrzakent, Ferdoýsi, Atakent kentine qarasty Jantaqsai eldimekenderi turǵyndaryn evakýatsiialaý máselesi qarastyrylyp jatyr.
Myrzakent pen Atakent eldimekenderiniń ara qashyqtyǵy - 35 shaqyrym. Myrzakent eldimekeninde 2848 úi, 14 532 adam bar. Al Ferdoýsi eldimekeninde - 314 úi, 2377 adam, Jantaqsai eldi mekeninde - 95 úi, 700 adam turady.
Apattyq-qutqarý jumystaryna tótenshe jaǵdailar departamentiniń jeke quramynan 138 adam, 8 tehnika tartyldy.
Ulttyq gvardiianyń 6506 bólimshesinen - 300 adam, 300 oryndyq 6 avtobýs, 120 oryndyq 4 KamAZ, aýdandyq politsiia bóliminen 7 tehnika jáne 70 qyzmetker kómekke kelgen.
Al jergilikti atqarýshy organnan 40 qyzmetker, 5 tehnika tartyldy.
