Ótken táýlikte Maqtaaral aýdanyndaǵy sý basqan eldimekenderden 1,5 mln tekshe metr, jalpy 4,5 mln tekshe metr sý soryp alyndy, - dep habarlaidy Tótenshe jaǵdai komitetiniń baspasóz qyzmeti.
Aýmaǵy 21 shaqyrym bolatyn ýaqytsha damba ornatyldy, 86 qap, sýdy aǵyzyp jiberý úshin 3 kollektor qoiyldy.
Túrkistan oblystyq TJD men Shymkent qalasy TJK Meditsinalyq apat ortalyǵynyń psihologtary Maqtaaral aýdany Ferdaýsi jáne Jeńis aýylynyń turǵyndarymen áńgimelesti. Zardap shekkenderge artterapiia ádisin paidalanyp jedel psihologiialyq kómek kórsetildi.
Jedel jelige aqparat alý maqsatynda 150-den astam qońyraý túsken.
Jańaturmys, Ferdoýsi, Órgebas, Jantaqsai aýyldarynda qoǵamdyq tártipti qamtamasyz etý úshin 4 blokpost qoiyldy.
Túrkistan, Jambyl, Qyzylorda oblystary men Shymkent qalasynyń TJK, meditsinalyq apat ortalyǵy, politsiia departamenti, Ulttyq ulan, Qorǵanys ministrligi, jergilikti atqarýshy organdar, 1412 adam shamasynda volonterler men 255 tehnika, 17 júzý quraly, 130 motopompa táýlik boiy jumys istep jatyr.
Tótenshe jaǵdai zardaptaryn joiý úshin Ózbekstannan 205 qutqarýshy, 38 tehnika men 85 motopompa tartylǵan.
