Maqtaaral aýdanynyń sý basqan eldi mekenderinen 5,7 mln m3 sý soryldy. Jalpy uzyndyǵy 22 shaqyrym bolatyn ýaqytsha bógetter salyndy, 86 000-nan astam qap tóseldi jáne sý tógýge 3 kollektor ornatyldy. Bul týraly "Ult aqparat" TJK silteme jasap habarlaidy.
Turǵyndardyń jeke múlikterin sýdan shyǵarý, úi janýarlaryn qutqarý jumystary jalǵasýda. Túrkistan oblysy TJD jáne Shymkent qalasy Tótenshe jaǵdailar basqarmasy Apattar meditsinasy ortalyǵynyń psihologtary art-terapiia ádisterin qoldana otyryp, zardap shekkenderge psihologiialyq kómek kórsetedi.
Qoǵamdyq tártipti qamtamasyz etý úshin Jańaturmys, Firdoýsi, Órgebas, Jantaqsai aýyldarynda 4 blokpost qoiyldy.
Quramynda 18 adam men 4 tehnika bar Ózbekstan TJM kúshteri men quraldarynan turatyn top keldi.
Túrkistan, Jambyl, Qyzylorda oblystary, Shymkent qalasy TJD, Apattar meditsina ortalyǵy, politsiia departamenti, Ulttyq gvardiia, Qorǵanys ministrligi, jergilikti atqarýshy organdar kúshteri men quraldary, jalpy alǵanda 1412 adam, 255 tehnika, 17 júzý quraly, 130 motosorǵy táýlik boiy jumystaryn jalǵastyrýda.
Sondai-aq, tótenshe jaǵdaidyń saldaryn joiýǵa 223 adamnan, 42 tehnika men 85 motosorǵydnan turatyn Ózbekstan Tótenshe jaǵdailar ministrliginiń qutqarýshylary tartyldy.
