Túrkistan oblysynda zardap sheken balalardy saýyqtyrý, olardyń bilim alýyna jaǵdai jasaý jáne UBT-ǵa daiyndalýyna kómektesý boiynsha tiisti jumystar atqarylyp jatyr, dep habarlaidy "Ult aqparat" QR BǴM baspasóz qyzmetine silteme jasap.
«Qazaqstan Prezidenti Qasym-Jomart Toqaev Maqtaaral aýdanynda sý tasqynynan zardap shekken turǵyndarǵa jan-jaqty kómek pen qoldaý kórsetýdi mindettedi. Úkimet basshysy Prezident tapsyrmalarynyń oryndalýyn qamtamasyz etý aiasynda maqtaaraldyq balalardy saýyqtyrý jumystaryn qolǵa alýdy tapsyrǵan bolatyn.
Túrkistan oblysynda zardap sheken balalardy saýyqtyrý, olardyń bilim alýyna jaǵdai jasaý jáne UBT-ǵa daiyndalýyna kómektesý boiynsha tiisti jumystar atqarylyp jatyr. Búgin QR Bilim jáne ǵylym ministrliginiń apparattyq jinalysynda Memleket basshysy mindettegen tapsyrmalardyń oryndalý barysy pysyqtaldy», delingen habarlamada.
Ministrliktiń málimetinshe, Maqtaaral aýdanynda sý tasqynynan zardap shekken Jeńis, Nurly jol, Jańa turmys, Órgebas, Firdoýsi eldi mekenderinde mektep jasyndaǵy 1 820 bala bar.
«Olardyń basym bóligi «Baldáýren» respýblikalyq oqý-saýyqtyrý ortalyǵyna barady. Ol úshin karantin kezinde jumysyn toqtatqan ortalyqtyń qyzmetin jandandyrý týraly sheshim qabyldandy. Qalǵany «Erkejan», «Báisheshek», «Saryaǵash», «Qazyǵurt» «Baldáýren» (jekemenshik) lagerlerine jiberiledi. Sondai-aq, óńirdegi joǵary oqý oryndarynyń jataqhanalarynda balalarǵa oqý saýyqtyrý jumystary uiymdastyrylady. Onda balalar sabaq oqyp, tamaqtanyp, demalady», delingen habarlamada.
Baspasóz qyzmetiniń habarlaýynsha, maqtaaraldyq balalardyń jaǵdaiyn Bilim jáne ǵylym ministrliginiń Balalar quqyqtaryn qorǵaý komiteti men óńirdegi Bilim basqarmasy jiti nazarda ustap otyr.
