Maqtaaral aýdanyndaǵy sý basqan eldi mekenderdiń oqýshylary evakýatsiialyq pýnktterde bilimderin jalǵastyrýda.
Balalarǵa onda qashyqtan oqýǵa jaǵdai jasalǵan. Naqtyraq aitqanda atalmysh oryndarǵa televizorlar qoiylyp, endi olar «Balapan» men «Elarna» telearnalary kóre alady, dep habarlaidy "Ult aqparat".
Aita keteiik, aýdandaǵy sý basqan Jeńis, Nurly jol, Jańaturmys, Órgebas, Ferdaýsi aýyldarynda jalpy sany 5 mektep bar. Onda 1638 oqýshy bilim alady. Al, 6 mektepke deiingi bilim berý uiymynda 425 adam jumys isteidi. Apat bolǵan aimaqta oqýshylar qajetti keńse zattary, oqý quraldarymen qamtamasyz etilgen. Balalar bos ýaqytynda tanymdyq, sporttyq oiyndar oinap, kitap oqýmen ainalysýda.
Sala mamandarynyń aitýynsha, ata-analar men oqýshylardyń kóńil-kúii men psihologiialyq ahýaly birqalypty. Bilim bóliminiń uiymdastyrýymen mektep psihologtary tótenshe jaǵdai saldarynan zardap shekken aýyl turǵyndary men oqýshylarǵa psihologiialyq kómek kórsetýde.
Jergilikti turǵyndar men mektep ákimshilikteri arasynan jáne kórshi Shardara, Keles, Saryaǵash, Jetisai, Arys aýdandarynan demeýshiler tabylyp, zardap shekken otbasylar men oqýshylarǵa azyq-túlik, kiim-keshek jáne taǵy da basqa zattaryn alyp berip jatyr.
