Sý tasqynynan zardap shekken maqtaaraldyqtarǵa jan-jaqty kómek kórsetilip jatyr. Jomart júrekti azamattar elimizdiń túkpir-túkpirinen qarjylai jáne gýmanitarlyq kómek joldaýda, dep habarlaidy Túrkistan oblysy ákiminiń baspasóz qyzmeti.
Baspasóz málimetterine qaraǵanda, qazirdiń ózinde Atakenttegi arnaiy daiyndalǵan qoimaǵa 200 tonnaǵa jýyq azyq-túlik qory jinaldy. Un, kúrish, mai jáne kiim-keshek pen kúndelikti qoldanysqa qajetti zattar Maqtaaral aýdanyndaǵy 12 evakýatsiialyq ortalyqqa jaiǵastyrylǵan turǵyndarǵa kúndelikti taratylýda. Sondai-aq, týǵan týystarynyń úiin ýaqytsha panalap júrgen azamattarǵa azyq-túlik Atakenttegi № 9 jalpy orta mektebi men V. Kamarov atyndaǵy mektepte úlestirilýde.
Jambyl oblysy Myrzashól halqyna alǵash bolyp 30 tonnaǵa gýmanitarlyq kómek alyp kelgen bolatyn. «Halyq bankiniń» «Halyq» qory 50 tonna, «Nur-Otan» partiiasy 40 tonna azyq-túlik jetkizdi. Al, Túrkistan oblystyq máslihaty men aýdandyq máslihat depýtattary tarapynan 21 mln. teńgege qajetti zattar alynyp, tasqyn sýdan zardap shekken turǵyndarǵa qoldaý kórsetilip otyr.
Arys, Báidibek, Tólebi, Qazyǵurt, Saryaǵash, Shardara, Keles, Otyrar, Túrkistan jáne Sairam aýdandardyń árqaisynan 5-10 tonnaǵa kóleminde azyq-túlik jetkizildi. Taiaý kúnderi Maqtaaral aýdanynyń halqyna Pavlodar, Qyzylorda, oblystarynan da kómek kelmekshi.
