Túrkistan oblysynyń ákimi Ómirzaq Shókeev maqta baǵasynyń arzandyǵy týraly sharýalar shaǵymyna pikir bildirdi, dep habarlaidy "Ult aqparat".
Ákimge maqtashy qaýymnyń jaz boiy beinettengen óniminiń ár kelisi 150 teńgeden zaýytqa satylatyny týraly suraq qoiyldy.
«Biyl maqtanyń naryqtaǵy baǵasy tómen. Maqta óńdeitin zaýyttar ónimniń ár tonnasyna 120 myń teńge tóleimiz dep aitqan bolatyn. Biz aralasyp, 150 myń teńgege kóterdik. Odan ári kóterý múmkindigi joq. Jalpy, maqta týraly talai atyp kele jatyrmyn. Maqta egýdi qysqartý kerek. Óitkeni óte tiimsiz daqyl bop tur qazir. Onyń ornyna kókónis, baý-baqshany kóbeitýimiz kerek. Ony qalai jasaý kerektigin úiretý úshin qaita-qaita seminar ótkizip jatyrmyz. Kelesi jyly bul jaǵynan betburys bolady dep oilaimyn», – dedi oblys ákimi Ortalyq kommýnikatsiialar qyzmetinde ótken baspasóz máslihatynda.
