Foto: Akorda.kz
Frantsiia Prezidenti Emmaniýel Makron Qazaqstanǵa resmi sapary aiasynda Maqsut Narikbayev University stýdentterine dáris oqyp, saýaldaryna jaýap berip jatyr. Taiaý Shyǵys jáne Izrail men Palestina qaqtyǵysy týraly da pikir bildirdi, dep habarlaidy Kazinform.
Aitýynsha, Frantsiiada Izraildi de, Palestinany da qoldaityndar bar.
«Meniń kóshbasy retinde pozitsiiam qandai? Bul - jai ǵana bir jerde oqi salatyn másele emes. Biz Izrailge jasalǵan terroristik shabýyldardyń barlyǵy durys emes dep esepteimiz. Biz osy memleketti qoldaimyz. Eshkim óz memleketinde bireýdiń óltirilgenin, myńdaǵan adamnyń ómiri qiylǵanyn qalamas edi. Bul terrorlyq shabýyldardy aiyptaýymyz kerek», - dep atap ótti Frantsiia basshysy.
Ekinshiden Makron halyqaralyq quqyqty saqtaý kerektigin aitty.
«Terrorlyq HAMAS-ty jazalaý kerek, biraq sol jerde ómir súretin beibit turǵyndar kináli emes, olardy qorǵaý kerek. Sol sebepti, Gazadaǵy turǵyndardy qorǵaý úshin, qutqarý úshin gýmanitarlyq kómek jiberýdi suradyq, eshqandai terrorlyq shabýylǵa qatysy joq adamdardy qorǵaý kerek dep esepteimiz.
Meniń kóńilim tolmaityn nárse – adamdardyń ómirin alalaityndar bar. Palestinalyqtardyń ómiri nemese izraildikterdiń ómiri mańyzdyraq degen aqylǵa qonbaityn pikirtalas bar. Meniń oiymsha, bul jerde jalpy adamnyń ómiri týraly, adamnyń qundylyqtary erekshe degen túsinikter aitylýy kerek. Bul BUU-da negizdelgen. Sonymen bizdiń oiymyz – birinshiden, terrorizmmen kúresý, ekinshiden – halyqty qorǵaý, úshinshi – saiasi dialog qurý kerek», - dedi Emmaniýel Makron.
Eske salaiyq, búgin Frantsiia Prezidenti Emmaniýel Makron resmi saparmen Qazaqstanǵa keldi.
