Foto: azh.kz
Qazaqstan munai-gaz jáne energetika kesheni uiymdary qaýymdastyǵynyń tóraǵasy qyzmetine Maǵzum Myrzaǵaliev sailandy, dep habarlaidy "Ult aqparat".
Bul sheshim 8 jeltoqsanda Almaty qalasynda ótken «KAZENERGY» Keńesiniń otyrysynda qabyldandy.
«KAZENERGY» Qazaqstan munai-gaz jáne energetika kesheni uiymdarynyń qaýymdastyǵy munai-gaz salasyndaǵy kásipkerlikti damytýdy qoldaý maqsatynda 2005 jyldyń 2 qarashasynda quryldy.
Búginde qaýymdastyq munai-gaz, elektr energetikasy jáne atom ónerkásibi salalaryndaǵy kompaniialardy biriktiredi. Qaýymdastyqtyń maqsaty – álemde jáne elimizde energetikalyq, sondai-aq ekologiialyq saiasattaǵy ózgermeli basymdyqtar jaǵdaiynda QR energetika salasynyń (munai-gaz jáne elektr energetikasy) turaqty jáne teńgerimdi damýyna járdemdesý» - delingen kompaniia baspasóz qyzmeti habarlamasynda.
Qaýymdastyq tóraǵasynyń laýazymy qoǵamdyq jumys bolyp esepteledi, oǵan jalaqy tóleý qarastyrylmaǵan.
Aita keteiik, buǵan deiin qaýymdastyqqa belgili kásipker Timýr Qulybaev tóraǵalyq etti.
