Ekologiia, geologiia jáne tabiǵi resýrstar ministri Maǵzum Myrzaǵaliev halyqty elektr energiiasy men sýdy únemdep, polietilen paketterin paidalanýdy azaitýǵa shaqyrdy, dep habarlaidy QazAqparat.
«Ekologiialyq mádeniet pen tárbieleýdi qalyptastyrý máselesi biz úshin basym baǵyt. Byltyr ministrlik «Birge. Taza Qazaqstan», «Birge. Jasyl Qazaqstan» ekologiialyq aktsiialary boiynsha bastamany kótergen bolatyn. Osy sharalarǵa 560 myńnan astam adam qatysyp, 340 myń tonna qoqys jinalyp, 1 mln astam aǵash otyrǵyzyldy», - dedi Maǵzum Myrzaǵaliev OKQ ótken halyqqa esep berý kezdesýinde.
Sonymen qatar, ministr biylǵy Volonterler jyly aiasynda «Birgemiz: Taza Alem» jalpy ulttyq jobasy sheńberinde qorshaǵan ortany qorǵaý, ózender men ormandardy tazalaý, aǵashtar otyrǵyzý jáne qoqystardy suryptaýǵa úiretý boiynsha is-sharalary júzege asyrylyp jatqanyn aitty.
«Aqpan aiynda eko-belsendilerdiń alǵashqy respýblikalyq sletin ótkizdik. Búkil el boiynsha ekologiialyq bastamalardy úilestirý jáne ilgeriletý úshin árbir óńirde eko-ambassadorlar anyqtaldy. Mysaly, Nur-Sultan qalasynan 10 synyp oqýshysy Arýjan Sahariianova óz qurdastary men eresekter arasynda Zero waste aǵymynyń ideialaryn belsendi nasihattaýda. Almaty qalasynan Saltanat Táshimova Jasyl komissiia, aǵashty zańsyz kesý tobyn qurý bastamashysy jáne taǵy basqalardy aitýǵa bolady», - dedi ol.
Maǵzum Myrzaǵaliev eger halyqtyń 5 paiyzy kúndelikti ómirde ekologiiaǵa sanaly túrde qarasa, onda búkil halyqqa ekologiialyq mádeniet pen sanany sińirýge bolatynyn senim bildirdi.
«Men elimizdiń árbir turǵynyn úi qoqystaryn suryptaýdan bastap, elektr energiiasy men sýdy únemdeýge, polietilen paketterin paidalanýdy azaitýǵa jáne qorshaǵan ortany qorǵaýǵa úles qosýǵa shaqyramyn», - dep túidi ministr.
