Qazaqstannyń Ekologiia, geologiia jəne tabiǵi resýrstar ministri Maǵzum Myrzaǵaliev el Prezidenti Qasym-Jomart Toqaevtyń AQSh-qa sapary sheńberinde Niý-Iorktegi amerikalyq kompaniia ókilderimen jetekshilik etetin salalarda yntymaqtastyq ornatý maqsatynda birqatar kezdesý ótkizdi.
Bul týraly ministrlik óziniń Facebook paraqshasynda málim etti, dep habarlaidy "Ult aqparat".
Atap aitqanda, ministr BUU Bas hatshysynyń kómekshisi Miriana Spoliarich Egger hanymmen, FreePort, Baron, Schlumberger jəne basqa da kompaniialardyń ókilderimen kezdesti.
Kóptegen məseleler, onyń ishinde Qazaqstan aýmaǵynda geologiia, geologiialyq barlaý, qorshaǵan ortany qorǵaý, gidrometeorologiialyq jeliler salasyndaǵy birlesken jobalardy iske asyrý múmkindigi talqylandy.
FreePort kompaniiasynyń ókili King myrza ministrmen suhbat barysynda Qazaqstannyń naryǵyna molibden óndirý boiynsha shyǵý nietin tanytty.
Bul məseleni egjei-tegjeili talqylaý úshin taiaý arada Nur-Sultan qalasynda kezdesý týraly ýaǵdalastyqqa qol jetkizildi.
Baron ókilderimen kezdesýde ulttyq gidrometeorologiialyq jelini damytý máselesi sóz boldy. Taraptar bul məsele jóninde pikir alysyp, keleshek yntymaqtastyq aspektilerin talqylady. Kompaniia ókilderi ministrlikke osy məsele jónindegi óz paiymdaryn aitýǵa ýəde berdi.
Ministrlik sondai-aq, Nebraska-Linkoln ýniversitetimen memorandým jasasty. Onyń maqsaty – sý resýrstary, kadr daiyndaý salasyn birlesip zertteý.
Budan basqa, geologiialyq barlaýdy investitsiialaý boiynsha Western Geco (Schlumberger bólimshesi) kompaniiasy tarapynan ýaǵdalastyqqa qol jetkizildi. Tiisti memorandýmǵa qol qoiylyp, kompaniia tarapynan yntymaqtastyq jáne qarjylandyrý mehanizmi máseleleriniń egjei-tegjeii pysyqtalýda.
«AQSh-ta ótkizilgen bul kezdesýlerdiń maqsaty elimizge investitsiia, jańa tehnologiialar tartý. Iri amerikalyq kompaniialarmen tabysty dialog kezinde qarsy tarap bizdiń elimizdiń aýmaǵynda birlesken jobalardy iske asyrýǵa nietti ekendikterin jetkizdi. Bizdiń ministrlikte taǵy da kelissózder júrgizýge kelistik. Bailanysymyz jalǵastyrylady jəne bizge AQSh kompaniialarymen birge iri jobalardy iske asyrýdyń səti túsedi dep úmittenemin», - dedi M. Myrzaǵaliev sapardy qortyndylai kelip.
