Ystanbul ýniversiteti Túrik tili jáne ádebieti kafedrasynyń oqytýshysy Dotsent Ýǵýr Gúrsý Maǵjan Jumabaevtyń «Pedagogika» kitabyn túrik tilinde jariialady, dep habarlaidy "Ult aqparat".
«Qazaq tiline degen qyzyǵýshylyǵy stýdenttik jyldarda bastalǵan Ý. Gúrsý doktorantýra oqyp júrgende «Túrikshe jáne qazaqsha maqal-mátelderdiń salystyrmaly analizi» atty dissertatsiiasyn qorǵap shyqqan. Qazaq ádebietiniń kórnekti ókili Maǵjan Jumabaevtyń «Pedagogika» týyndysynyń túrikshege aýdarylmaǵanyn baiqap, aýdarma jumystaryna kirisedi. Osylaisha tolaǵai eńbektiń jemisi - Maǵjan Jumabaevtyń «Pedagogika» atty oqý quraly jýyrda túrik oqyrmandaryna usynyldy» dep málim etti Qazaqstannyń Túrkiiadaǵy elshiligi Facebook paraqshasynda.
Oqý quraly pedagogikanyń jalpy máselelerine arnalǵan. Sondai-aq, kitapta psihologiia jáne logika salalary týraly da aqparat berilgen.
Týyndyda pedagogika ilimi qazaq mádenieti men dástúrlerine sáikes jazylǵan.
